ହାଇଦ୍ରାବାଦ: ଶରୀର ପାଇଁ ରୋଗ ପ୍ରତିରୋଧକ ଶକ୍ତିର ଆବଶ୍ୟକତାକୁ ହୃଦୟଙ୍ଗମ କରାଇପାରିଛି କୋରୋନା । କାରଣ ଇମ୍ୟୁନିଟି ବା ପ୍ରତିରକ୍ଷା ପ୍ରଣାଳୀ ଦୃଢ ଥିଲେ ରୋଗ ବିପଦ କମ୍ ଥାଏ । ଏଥିପାଇଁ ଖାଦ୍ୟର ଆବଶ୍ୟକତା ନିଶ୍ଚିତ ରହିଛି । ହେଲେ ଜାଣନ୍ତି କି ? କେତେକ ଯୋଗ ମୁଦ୍ରା ରହିଛି ଯାହା ରୋଗ ପ୍ରତିରୋଧକ ଶକ୍ତି ବୃଦ୍ଧିରେ ସହାୟକ ହୋଇଥାଏ, ଜାଣନ୍ତୁ ଏହିସବୁ ଯୋଗମୁଦ୍ରା କଣ...
ସୂର୍ଯ୍ୟ ନମସ୍କାର, ଯୋଗ ଓ ପ୍ରାଣାୟମ ଦ୍ବାରା ଶରୀରରେ ଏକ ଉର୍ଜା ଉତ୍ପନ୍ନ ହୁଏ ଯାହା ଭୂତାଣୁ ପ୍ରବେଶ କରିବାରେ ବାଧା ଦେଇଥାଏ ବୋଲି ଯୋଗ ପ୍ରଶିକ୍ଷକ ମତ ଦେଇଛନ୍ତି । ସେହିପରି କପାଳ ଭାରତୀ, ସୂର୍ଯ୍ୟଭେଦୀ, ଅନୁଲୋମ-ବିଲୋମ, ଅର୍ଦ୍ଧମୁଖାସନ, ଭୁଜାସନ, ଧନୁରାସନ, ସେତୁବନ୍ଧାସନ ଭଳି ପ୍ରାଣାୟମ କରିବା ଦ୍ବାରା ଶରୀରର ଭିତର ଭାଗରେ ଉର୍ଜା ତିଆରି ହୋଇଥାଏ । ଏହାଦ୍ବାରା ଦେହର ଭିତରେ ଥିବା ଭୂତାଣୁ ଆପେ ଆପେ ନଷ୍ଟ ହୋଇଯାଏ ।
ଏହିସବୁ ସରଳ ଆରାମଦାୟକ ଆସାନ ରୋଗ ପ୍ରତିରୋଧକ ବୃଦ୍ଧି ସହ ଚାପ, ଥକ୍କାପଣକୁ ହ୍ରାସ କରିଥାଏ ଏବଂ ମନୋବଳକୁ ଦୃଢ କରିଥାଏ । ଧନୁରାସାନା ଶରୀରରେ ରକ୍ତ ପ୍ରବାହକୁ ଉନ୍ନତ କରିଥାଏ ଯାହା ରୋଗ ପ୍ରତିରୋଧକ ଶକ୍ତି ବଢାଇବାରେ ସାହାଯ୍ୟ କରିଥାଏ । ଏହି ବ୍ୟାୟାମ ହଜମ ପ୍ରକ୍ରିୟାରେ ମଧ୍ୟ ସହାୟକ ହୁଏ । ସେହିପରି ଭୁଜଙ୍ଗସାନା ଫୁସଫୁସ ସ୍ବାସ୍ଥ୍ୟକୁ ଭଲ ରଖିଥାଏ, ମେରୁଦଣ୍ଡକୁ ମଜବୁତ କରିଥାଏ ଏବଂ ଶକ୍ତି ବଢାଇଥାଏ । ଏହା ହଜମ ପ୍ରକ୍ରିୟାରେ ଉନ୍ନତି ଆଣିବାରେ ସାହାଯ୍ୟ କରିଥାଏ ଏବଂ ଯକୃତ ଉପରେ ଥିବା ଚାପରୁ ମୁକ୍ତି ଦେଇଥାଏ, ଯାହାଦ୍ୱାରା ପ୍ରତିରକ୍ଷା ପ୍ରଣାଳୀରେ ଭାର କମିଯାଏ ।
ତେବେ କହି ରଖୁଛୁ ଯେ, ଗତ 6 ସପ୍ତାହ ମଧ୍ୟରେ ବିଶ୍ବରେ ଦୈନିକ କୋଭିଡ ସଂକ୍ରମଣ 5 ଲକ୍ଷରୁ ଊର୍ଦ୍ଧ୍ବ ରହୁଛି । ଚୀନରେ ସଂକ୍ରମଣ ଓ ମୃତ୍ୟୁସଂଖ୍ୟା ସର୍ବାଧିକ ରହିଛି । ସେଠାରେ ପ୍ରତିଦିନ 5 ହଜାରରୁ ଅଧିକ ଲୋକଙ୍କ ଜୀବନ ଯାଉଥିବା ବେଳେ ଦିନକୁ ସଂକ୍ରମିତ ହେଉଛନ୍ତି 10 ଲକ୍ଷ । ଏହାକୁ ଦୃଷ୍ଟିରେ ରଖି ଆମ ଦେଶରେ ସରକାରଙ୍କ ପକ୍ଷରୁ ବିଭିନ୍ନ ସଚେତନତାମୂଳକ ପଦକ୍ଷେପ ଗ୍ରହଣ କରାଯାଉଥିଲେ ମଧ୍ୟ ଏଥିପାଇଁ ନିଜକୁ ହିଁ ସତର୍କ ରହିବାକୁ ପଡିବ ।
