ଲକ୍ଷ୍ନୌ: କ୍ୟାନ୍ସର ରୋଗୀଙ୍କ ଶରୀରରେ ବିରଳ ଅସ୍ତ୍ରୋପଚାର କରି ଜୀବନ ବଞ୍ଚାଇଲେ ଡାକ୍ତର । ଉତ୍ତର ପ୍ରଦେଶ, ଲକ୍ଷ୍ନୌରେ ଅବସ୍ଥିତି କିଙ୍ଗ ଜର୍ଜ ମେଡିକାଲ୍ ୟୁନିଭରସିଟିରେ (King George's Medical University, KGMU) ଏହି ବିରଳ ଅସ୍ତ୍ରୋପଚାର ହୋଇଛି । ହସ୍ପିଟାଲର ଡାକ୍ତରମାନେ ଜଟିଳ 'କିହୋଲ୍' ଲାପାରୋସ୍କୋପିକ୍ ସର୍ଜରୀ କରି ଓସୋଫାଜିଅଲ୍ କର୍କଟରେ(oesophageal cancer) ପୀଡିତ ଜଣେ ୬୦ ବର୍ଷୀୟ ବୟସ୍କଙ୍କ ଜୀବନ ରକ୍ଷା କରିଛନ୍ତି(Cancer patient saved through rare surgery at KGMU) ।
ରିପୋର୍ଟ ଅନୁସାରେ, ରବିବାର(ନଭେମ୍ବର ୨୭) କର୍କଟରେ ଆକ୍ରାନ୍ତ ରୋଗୀ ସୁସ୍ଥ ହେବା ପରେ ତାଙ୍କୁ ଡିସଚାର୍ଜ କରାଯାଇଛି । ରୋଗୀ ଜଣକ ଅଯୋଧ୍ୟାର ଅଧିବାସୀ, ତାଙ୍କର ତରଳ ଖାଦ୍ୟ ଗିଳିବାରେ ସାମାନ୍ୟ ଅସୁବିଧା ହେବାରୁ ଅକ୍ଟୋବରରେ KGMUକୁ ଆସିଥିଲେ । ପରୀକ୍ଷା କରାଯିବା ପରେ ସେ ଓସୋଫାଜିଅଲ୍ କର୍କଟରେ ଆକ୍ରାନ୍ତ ହୋଇଥିବା ଜଣାପଡିଥିଲା, ଏବଂ ଏହା ତାଙ୍କର ତୃତୀୟ ପର୍ଯ୍ୟାୟ ଥିଲା, ଅର୍ଥାତ୍ କର୍କଟର ଥାର୍ଡ ଷ୍ଟେଜ୍ ।
ସର୍ଜିକାଲ ଅଙ୍କୋଲୋଜି ବିଭାଗର ଅଧ୍ୟାପକ ପ୍ରଫେସର ଶିବ ରାଜନ କହିଛନ୍ତି, "ପ୍ରଥମେ କେମୋଥେରାପି ଏବଂ ରେଡିଓଥେରାପି ଦ୍ବାରା ଟ୍ୟୁମର କମିଯାଇଥିଲା । ଏହା ପରେ ରୋଗୀଙ୍କୁ ଆମ ପାଖକୁ ପଠାଯାଇଥିଲା । ଦୁର୍ବଳତା ହେତୁ ଓପନ୍ ସର୍ଜରୀରରେ ରୋଗୀର ଜୀବନ ପ୍ରତି ବିପଦରେ ଥିବାରୁ ଆମେ କିହୋଲ ଲାପାରୋସ୍କୋପିକ୍ ସର୍ଜରୀ(keyhole laparoscopic surgery) କରିବାକୁ ନିଷ୍ପତ୍ତି ନେଇଥିଲୁ ।" ଏହି ଅପରେସନ୍ ପାଇଁ ତାଙ୍କ ଟିମ୍କୁ ୬ ଘଣ୍ଟା ସମୟ ଲାଗିଥିଲା । ପ୍ରଥମ ଥର ପାଇଁ ଏହି ଅପରେ ସନ୍ କରାଯାଇଥିବା ପ୍ରଫେସର ଶିବ ରାଜନ କହିଛନ୍ତି ।
