ଗର୍ଭବତୀ ଖାଇପାରିବେ କି କାକୁଡି, ଜାଣନ୍ତୁ

ଗ୍ରୀଷ୍ମଋତୁ ହେଉ ଅବା ବର୍ଷାଋତୁ ସମ୍ପୂର୍ଣ୍ଣ ଗର୍ଭଧାରଣଠାରୁ ମହିଳାମାନଙ୍କ ସ୍ବାସ୍ଥ୍ୟର ବିଶେଷ ଧ୍ୟାନ ଦେବା ଉଚିତ୍ । ଏହି ସମୟରେ ଅନେକ ଖାଦ୍ୟପେୟକୁ ନେଇ କଟକଣା ରହିଥାଏ । ତେବେ ଗର୍ଭାବସ୍ଥାରେ କାକୁଡି ଖାଇବା ଉଚିତ୍‌ କି ନୁହେଁ, ଜାଣିବା ପାଇଁ ପଢନ୍ତୁ ଏହି ରିପୋର୍ଟ

ହାଇଦ୍ରାବାଦ: ଗ୍ରୀଷ୍ମ ପ୍ରବାହରେ ସ୍ୱାସ୍ଥ୍ୟର ଯତ୍ନ ନେବା ନିହାତି ଜରୁରୀ । ନିଜକୁ ସୁସ୍ଥ ରଖିବା ପାଇଁ, ଲୋକମାନେ ଗ୍ରୀଷ୍ମ ସମୟରେ ଏପରି ଫଳ ଏବଂ ପନିପରିବା ଖାଆନ୍ତି, ଯାହା ସେମାନଙ୍କୁ ଶୀତଳ ଏବଂ ହାଇଡ୍ରେଟ୍ ରଖେ । ଗର୍ଭବତୀ ମହିଳା ଏଥିପ୍ରତି ଅଧିକ ଦୃଷ୍ଟି ଦେବା ଉଚିତ୍ । ସ୍ୱାସ୍ଥ୍ୟ ବଜାୟ ରଖିବା ପାଇଁ ଗ୍ରୀଷ୍ମଋତୁରେ ଅନେକ ସତେଜ ଫଳ ଏବଂ ପନିପରିବା ଖାଇବାକୁ ପରାମର୍ଶ ଦିଅନ୍ତି ଡାକ୍ତର । ତଥାପି, ଅଧିକାଂଶ ଗର୍ଭବତୀ ମହିଳା ସ୍ବାସ୍ଥ୍ୟର ନେଇପାରନ୍ତି ନାହିଁ ।

ଏହାର ଏକ ପ୍ରମୁଖ କାରଣ ହେଉଛି ଏକାଧିକ ଫଳ ଓ ପରିବା ଅଛି, ଯାହା ଖାଇବା ଉଚିତ୍ କି ନୁହେଁ ବିଚାର କରିପାରନ୍ତି ନାହିଁ । ସେଥିମଧ୍ୟରୁ କାକୁଡି ଅନ୍ୟତମ । ତେବେ ଗର୍ଭାବସ୍ଥାରେ କାକୁଡି ଖାଇବା ଉଚିତ୍‌ କି ଅନୁଚିତ୍, ଏନେଇ ସ୍ବାସ୍ଥ୍ୟ ବିଶେଷଜ୍ଞ କଣ କୁହନ୍ତି, ଜାଣନ୍ତୁ...

କାକୁଡିରେ ଭିଟାମିନ୍-ସି, ଭିଟାମିନ୍-କେ, ଭିଟାମିନ୍-ବି ଏବଂ ମିନେରାଲ୍ସ ଯଥା ପୋଟାସିୟମ୍, କ୍ୟାଲସିୟମ୍, ଆଇରନ୍ ଏବଂ ଜିଙ୍କ୍ ସହିତ ମାଇକ୍ରୋନ୍ୟୁଟ୍ରିଏଣ୍ଟ୍‌ର ଏକ ଉତ୍ତମ ଉତ୍ସ । ଗର୍ଭାବସ୍ଥାରେ ଗର୍ଭସ୍ଥ ଶିଶୁର ସୁସ୍ଥ ବିକାଶ ପାଇଁ ଏହି ପୁଷ୍ଟିକର ଖାଦ୍ୟ ଜରୁରୀ । କାକୁଡିରେ ଭିଟାମିନ୍ B6 ଏବଂ B9 ଥାଏ, ଯାହା ଭଲ ଅନୁଭବ କରିବାରେ ଚିନ୍ତାକୁ ହ୍ରାସ କରିବାରେ, ଚାପ ହ୍ରାସ କରିବାରେ ଏବଂ ମନୋବଳକୁ ସୁଦୃଢ କରିବାରେ ସହାୟକ ହୁଏ ।

ମଧ୍ୟ ପଢନ୍ତୁ:- ଅଗ୍ନାଶୟ ରୋଗ ପାଇଁ ଭିଟାମିନ୍-ଏ ସର୍ବୋତ୍ତମ, ଜାଣନ୍ତୁ କିପରି ପୂରଣ କରିବେ ଏହି ଆବଶ୍ୟକତା

ଗର୍ଭବତୀ ମହିଳାମାନଙ୍କ ପାଇଁ ଏହା ବିଶେଷ ଲାଭଦାୟକ ହୋଇପାରେ । କାରଣ ଅଧିକାଂଶ ମହିଳା ଏହି ସମୟରେ ମନୋବଳ ପରିବର୍ତ୍ତନର ସମ୍ମୁଖୀନ ହୁଅନ୍ତି । ଏସବୁ ଉପକାରୀ ଗୁଣ ସାଙ୍ଗକୁ କାକୁଡାରେ ଫାଇବର ମିଳିଥାଏ, ଏହା ଗର୍ଭାବସ୍ଥାରେ କୋଷ୍ଠକାଠିନ୍ୟ ସମସ୍ୟାକୁ ଦୂର କରିଥାଏ । ଏହା ବ୍ୟତୀତ ଗର୍ଭଧାରଣର ପ୍ରଥମ ତିନି ମାସିକରେ କାକୁଡି ସହିତ ଚର୍ମର କୋଲାଜେନ୍ ବଢିଥାଏ । ଚର୍ମରେ ନମନୀୟତା ଆସିଥାଏ ।

ରକ୍ତଚାପ ସନ୍ତୁଳନ ରଖେ କାକୁଡି

କାକୁଡିରେ ପୋଟାସିୟମ୍ ପରି ଇଲେକ୍ଟ୍ରୋଲାଇଟ୍ ଥାଏ, ଯାହା ଗର୍ଭାବସ୍ଥାରେ ରକ୍ତଚାପ ସ୍ତରକୁ ନିୟନ୍ତ୍ରଣ କରିବାରେ ସାହାଯ୍ୟ କରେ । ଏହା ଗର୍ଭବତୀ ମହିଳାମାନଙ୍କ ପାଇଁ ଲାଭଦାୟକ, କାରଣ ଏହି ସମୟରେ ହରମୋନାଲ ପରିବର୍ତ୍ତନ ହେତୁ ରକ୍ତଚାପରେ ପରିବର୍ତ୍ତନ ହୋଇପାରେ । ଏକ ଡାଇୟୁରେଟିକ୍ ଭାବରେ କାକୁଡି ଶରୀରରେ ସୋଡିୟମ୍ ସ୍ତର ହ୍ରାସ କରିବାରେ ଏବଂ ତରଳ ସନ୍ତୁଳନ ବଜାୟ ରଖିବାରେ ସାହାଯ୍ୟ କରେ ।

ଏହା, ଗର୍ଭାବସ୍ଥାରେ ରକ୍ତଚାପ ସ୍ତରକୁ ସ୍ଥିର କରିବାରେ ସାହାଯ୍ୟ କରିଥାଏ । ଗର୍ଭାବସ୍ଥାରେ ସନ୍ତୁଳିତ ରକ୍ତଚାପର ସ୍ତର ବଜାୟ ରଖିବା ଉଭୟ ମାଆ ଏବଂ ଗର୍ଭସ୍ଥ ଶିଶୁ ପାଇଁ ଜରୁରୀ । ଅନ୍ୟପଟେ କାକୁଡି ଖାଇବା ଦ୍ବାରା ଜଳୀୟ ଅଂଶ ଅଧିକ କାରଣରୁ ବାରମ୍ବାର ପରିସ୍ରା ଲାଗିଥାଏ । ଏହି କାରଣରୁ ଏଲର୍ଜି ମଧ୍ୟ ହୋଇପାରେ । ତଥାପି ଏକ ସନ୍ତୁଳନ ପରିମାଣର କାକୁଡି ଖାଇବାକୁ ପରାମର୍ଶ ଦିଅନ୍ତି ସ୍ବାସ୍ଥ୍ୟ ବିଶେଷଜ୍ଞ ।

Disclaimer: ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଖାଦ୍ୟ କିମ୍ବା ସପ୍ଲିମେଣ୍ଟ ଗ୍ରହଣ କରିବା ପୂର୍ବରୁ ଡାକ୍ତରଙ୍କ ପରାମର୍ଶ ଗ୍ରହଣ କରନ୍ତୁ ।