ନୂଆଦିଲ୍ଲୀ: ଦୀପାବଳି ପରେ ପରେ ବିଭିନ୍ନ ସହରରେ ବାୟୁ ଗୁଣାବତ୍ତା ନିମ୍ନସ୍ତରରେ ପହଞ୍ଚିଛି । ବିଶେଷ କରି ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ଦିଲ୍ଲୀ ପ୍ରଦୂଷଣ ମାତ୍ରା ଗମ୍ଭୀର ହୋଇଯାଇଛି । ଏହି କାରଣରୁ ଦିଲ୍ଲୀ ସରକାର କିଛିଦିନ ପାଇଁ ସ୍କୁଲ୍ଗୁଡିକୁ ଛୁଟି ଘୋଷଣା କରିବା ସହ ଅନଲାଇନ୍ କ୍ଲାସ୍ ନିୟମ ଲାଗୁ କରିଛନ୍ତି । ତେବେ ଏହାରି ମଧ୍ୟରେ ବାୟୁ ପ୍ରଦୂଷଣ(Air Pollution)ର ଆଉ ଏକ କ୍ଷତିକାରକ ଦିଗ ବାବଦରେ ଜଣାପଡିଛି । ବିଷାକ୍ତ ବାୟୁ ମାନସିକ ସ୍ୱାସ୍ଥ୍ୟ ଉପରେ ପ୍ରଭାବ ପକାଇପାରେ । ଦୃତ ଗତିରେ ବୃଦ୍ଧି ପାଉଥିବା ବାୟୁ ପ୍ରଦୂଷଣ(Air Pollution) ନେଇ ସତର୍କ କରାଇଲେ ସ୍ବାସ୍ଥ୍ୟ ବିଶେଷଜ୍ଞ ।
ଏହି କାରଣରୁ ଶାରୀରିକ ଅସୁସ୍ଥତା ସହ ମାନସିକ ଚାପ ମଧ୍ୟ ବଢିଥାଏ ବୋଲି ସ୍ବାସ୍ଥ୍ୟ ବିଶେଷଜ୍ଞ ସୂଚନା ଦେଇଛନ୍ତି(Toxic air can impact mental health) । ବାୟୁ ପ୍ରଦୂଷଣ ଶରୀରର ସମସ୍ତ ଅଙ୍ଗ ଉପରେ ବହୁତ ପ୍ରଭାବ ପକାଇଥାଏ । ଅଧ୍ୟୟନ ଅନୁଯାୟୀ, ବିଷାକ୍ତ ପ୍ରଦୂଷକ ନାକ କିମ୍ବା ପାଟିରୁ ଫୁସଫୁସକୁ ଯାଏ । ପ୍ରଦୂଷକ ସହିତ ଦୀର୍ଘକାଳୀନ ସଂସ୍ପର୍ଶରେ ଆସିବା ଦ୍ୱାରା କିଡନୀରେ ରକ୍ତବାହୀ ନଷ୍ଟ ହୋଇପାରେ । ଅଧିକନ୍ତୁ ନାଇଟ୍ରୋଜେନ୍ ଅକ୍ସାଇଡ୍ ରକ୍ତଭଣ୍ଡାର ଉପରେ ନକାରାତ୍ମକ ପ୍ରଭାବ ପକାଇପାରେ ଯାହା କରୋନାରୀ ଧମନୀରେ କ୍ୟାଲସିୟମର ଶୀଘ୍ର ଗଠନ ହୋଇପାରେ ଯାହା ହୃଦ୍ରୋଗର କାରଣ ମଧ୍ୟ ହୋଇପାରେ ।
ଏହା ମଧ୍ୟ ପଢନ୍ତୁ: International Stress Awareness Week: ହ୍ରାସ ପାଇଲେ ମାନସିକ ଚାପ, ସୁସ୍ଥ ରହିବ ଶରୀର
ସେହିପରି ମାନସିକ ବିଶେଷଜ୍ଞଙ୍କ କହିଛନ୍ତି ଯେ, ବାୟୁ ପ୍ରଦୂଷଣ ମାନସିକ ସ୍ବାସ୍ଥ୍ୟ ଉପରେ ମଧ୍ୟ ପ୍ରଭାବ ପକାଇଥାଏ । ଏହା ଉଦାସୀନତା ଏବଂ ଚିନ୍ତା ସହିତ ଜଡିତ ହୋଇପାରେ । ବାୟୁ ପ୍ରଦୂଷଣର ଉଚ୍ଚ ସ୍ତର ଶିଶୁର ଜ୍ଞାନଗତ କ୍ଷମତାକୁ ନଷ୍ଟ କରିପାରେ ଏବଂ ବୟସ୍କଙ୍କ ଜ୍ଞାନ ହ୍ରାସ ହେବାର ଆଶଙ୍କା ବଢାଇପାରେ । ଏହା ମଧ୍ୟ ଉଦାସୀନତାର କାରଣ ହୋଇପାରେ । କେବଳ ଯେ ବାୟୁ ପ୍ରଦୂଷଣ ଉଦାସୀନତା ସୃଷ୍ଟି କରିପାରିବ ତାହା ନୁହେଁ, ଏଥିପାଇଁ ଜେନେଟିକ୍ ଏବଂ ଜୈବିକ କାରଣଗୁଡ଼ିକ ମଧ୍ୟ ଦାୟୀ ।
ଏହା ମଧ୍ୟ ପଢନ୍ତୁ: Hair Growth Tips: କେଶ ବୃଦ୍ଧି ପାଇଁ ଆପଣାନ୍ତୁ ଏହିସବୁ ଭିଟାମିନ୍
2019 ରେ ହୋଇଥିବା ଏକ ଅଧ୍ୟୟନରୁ ଜଣାପଡିଛି ଯେ, ବାୟୁ ପ୍ରଦୂଷଣ ମାନସିକ ରୋଗରେ ପରିଣତ ହୋଇପାରେ । ଯେଉଁମାନେ ଉଚ୍ଚ ସ୍ତରର ପ୍ରଦୂଷଣର ସମ୍ମୁଖୀନ ହୁଅନ୍ତି, ସେମାନେ ଉଦାସୀନତା, ସ୍କିଜୋଫ୍ରେନିଆ(ଏକ ଜଟିଳ ମସ୍ତିଷ୍କ ରୋଗ), ବାୟୋପୋଲାର ବ୍ୟାଧି(ଚିନ୍ତାଗତ ରୋଗ), ଏବଂ ପର୍ସନାଲିଟି ବ୍ୟାଧି ଭଳି ମାନସିକ ରୋଗରେ ପୀଡିତ ହେବାର ସମ୍ଭାବନା ଥାଏ ।
ଏହା ମଧ୍ୟ ପଢନ୍ତୁ: Immunity boosting foods: ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଁ ଆପଣାନ୍ତୁ ଏହିସବୁ ଖାଦ୍ୟ
ପ୍ରମାଣ ଅଛି ଯେ, ବିଷାକ୍ତ ପଦାର୍ଥ ଏବଂ ବାୟୁ ପ୍ରଦୂଷକ ମଧ୍ୟ କେନ୍ଦ୍ରୀୟ ସ୍ନାୟୁ ପ୍ରଣାଳୀ ସହିତ ଜଡିତ । ସେମାନେ ମସ୍ତିଷ୍କର ଆଦର୍ଶ କାର୍ଯ୍ୟକଳାପ(Ideal functioning)କୁ ପ୍ରଭାବିତ କରିପାରନ୍ତି ଏବଂ ଶେଷରେ ମସ୍ତିଷ୍କ ସ୍ନାୟୁଗୁଡ଼ିକର ବ୍ୟାଘାତ ଘଟାଇବା ସହ ମୃତ୍ୟୁର କାରଣ ହୋଇପାରେ !
