ରାଉରକେଲା: ମଙ୍ଗଳବାର ମଧ୍ୟରାତ୍ରିରୁ ସାରା ଦେଶ ପାଳିବ ବଡଦିନ । ଏଥିପାଇଁ ଗାଁଠୁ ସହର ସବୁ ଉତ୍ସବମୁଖର । ସମସ୍ତେ ସାମୁହିକ ଭାବେ ଚର୍ଚ୍ଚରେ ପ୍ରାର୍ଥନା କରିବା ସହ ଖ୍ରୀଷ୍ଟ ଧର୍ମାବଲମ୍ବୀ ମାନେ ନିଜ ନିଜ ଘରେ ମଧ୍ୟ ଏହି ପର୍ବକୁ ବେଶ ଧୂମଧାମରେ ପାଳନ କରିବେ । ଏହି କ୍ରମରେ ମଙ୍ଗଳବାର ରାଉରକେଲା ହମିରପୁର ଚର୍ଚ୍ଚରେ ବହୁ ସୁଂଖ୍ୟାରେ ଲୋକ ଆସି ନିଜ ପାପ ସ୍ବୀକାର କରିଥିଲେ । ଯୀଶୁଙ୍କ ନିକଟରେ ନିଜ ଭୂଲର କ୍ଷମା ପ୍ରାର୍ଥନା କଲେ ସେ କ୍ଷମା କରିଦିଅନ୍ତି ବୋଲି ସେମାନଙ୍କ ବିଶ୍ବାସ ରହିଛି ।
ସହରରେ ଖ୍ରୀଷ୍ଟମାସ ପାଇଁ ବିଭିନ୍ନ କେକ୍ ଦୋକାନ ଗୁଡିକରେ ଭିଡ ଦେଖିବାକୁ ମିଳିଥିଲା । ତେବେ ଲୋକମାନେ ଏହି ଦିନରେ ନିଜ ପରିବାର ତଥା ବନ୍ଧୁବାନ୍ଧବଙ୍କୁ କେକ ବିତରଣ କରିଥାନ୍ତି । ଏହା ସହ x-mass ଟ୍ରି ସହ ଗୁହାଳ ଘରର ସାଜସଜ୍ଜା ପାଇଂ ବିଭିନ୍ନ ସାମଗ୍ରୀ କିଣୁଛନ୍ତି । ପ୍ରଭୁ ଯୀଶୁ ଆଜି ମଧ୍ୟରାତିରେ ଗୁହାଳରେ ଜନ୍ମଗ୍ରହଣ କରିବେ । ଏହା ପରେ ଆରମ୍ଭ ହେବ ପ୍ରାର୍ଥନା । ଲୋକଙ୍କ ସାମୂହିକ ପ୍ରାର୍ଥନା ପାଇଁ ସମସ୍ତ ଚର୍ଚ୍ଚ ଗୁଡିକରେ ବିଭିନ୍ନ ପ୍ରକାରର ବ୍ୟବସ୍ଥା କରାଯାଇଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
