ସୁନ୍ଦରଗଡ: ସୁନ୍ଦରଗଡ ଧରୁଆଡିହି ଥାନା ପୋଲିସ କୁଖ୍ୟାତ ପାଣିପମ୍ପ ଚୋର ସମେତ ଅନ୍ୟ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତମାନେ ହେଲେ ତୀର୍ଥ ଗୁଡିଆ ମୁଖ୍ୟ ଅଭିଯୁକ୍ତ, ସିଲସ ବୁଡ ଓ ସୋରେନ ହେମ୍ବ୍ରମ ।
ସୂଚନାନୁଯାୟୀ, ଗତ 5 ତାରିଖ ଓ 7 ତାରିଖରେ ପାଣିପମ୍ପ ଚୋରି ନେଇ ଦୁଇଜଣ ବ୍ୟକ୍ତି ପୃଥକ ପୃଥକ ମାମଲା ଥାନାରେ ରୁଜୁ କରିଥିଲେ । ତୀର୍ଥ ଗୁଡିଆ ଗତ 4 ଓ 5 ମଧ୍ୟରାତ୍ରୀରେ ତେଲିମାଲ ଗ୍ରାମର ଚିନ୍ତାମଣି ପ୍ରଧାନଙ୍କ ଘରୁ ପାଣି ପମ୍ପ ଚୋରି କରିଥିବାବେଳେ ଗତ 6 ଓ 7 ତାରିଖ ମଧ୍ୟରାତ୍ରୀରେ ମଝାପଡା ଗ୍ରାମର ଡମ୍ବରୁଧର ଦେହୁରୀଙ୍କ ଘରୁ ପାଣି ପମ୍ଫ ଚୋରି କରିଥିଲା ।
ତେବେ ସେ ସେହି ପାଣିପମ୍ପ ଦୁଇଟିକୁ ସିଲସ ବୁଡ ଓ ସୋରେନ ହେମ୍ବ୍ରମଙ୍କୁ ବିକ୍ରି କରିଥିଲା । ପୋଲିସ ତୀର୍ଥ ଗୁଡିଆକୁ ଗିରଫ କରିବାପରେ ସମସ୍ତ ଘଟଣା ପଦାକୁ ଆସିଛି । ପୋଲିସ ଏହି ମାମଲରେ ତୀର୍ଥ ଗୁଡିଆ ସହ ଚୋରି ଜିନିଷ କିଣିବା ଅଭିଯୋଗରେ ସିଲସ ଓ ସୋରେନକୁ ଗିରଫ କରି କୋର୍ଟ ଚାଲାଣ କରିଛି । ତେବେ ତୀର୍ଥ ନାମରେ ସୁନ୍ଦରଗଡ, ଝାରସୁଗୁଡା ଓ ସମ୍ବଲପୁର ଜିଲ୍ଲାରେ ଅନେକ ଚୋରି ମାମଲା ଥିବା କଥା ପୋଲିସ କହିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
