ସୁନ୍ଦରଗଡ଼: ଲକଡାଉନର ଫାଇଦା ଉଠାଉଛନ୍ତି ଜୁଆଡି । ମଙ୍ଗଳବାର ବିଳମ୍ବିତ ରାତିରେ ସୁନ୍ଦରଗଡ଼ ବୀରମିତ୍ରପୁର ଥାନା ଅନ୍ତର୍ଗତ କପିଳାସ ଅଞ୍ଚଳରେ ଜୁଆ ଆଡ୍ଡାରେ ଚଢାଉ କଲା ବୀରମିତ୍ରପୁର ପୋଲିସ । 13 ଜଣ ଜୁଆଡିଙ୍କୁ ଗିରଫ କରି ସେମାନଙ୍କୁ ଡିଜାଷ୍ଟର ମେନେଜମେଣ୍ଟ ଆକ୍ଟରେ କୋର୍ଟ ଚାଲାଣ କରିଛି ।
ସୂଚନା ଅନୁସାରେ ଗତକାଲି ବିଳମ୍ବିତ ରାତ୍ରିରେ ଏକ ବିଶେଷ ସୂତ୍ରରୁ ଖବର ପାଇ ବୀରମିତ୍ରପୁର ଥାନା ଅନ୍ତର୍ଗତ କପିଳାଶ ଅଞ୍ଚଳରେ ଚାଲିଥିବା ଏକ ଜୁଆ ଖେଳ ଉପରେ ଅଚାନକ ଚଢାଉ କରି 13 ଜଣ ଜୁଆଡିଙ୍କୁ ଗିରଫ କରିଛି । ଏହାସହ ସେମାନଙ୍କ ନିକଟରୁ ନଗଦ 5 ଲକ୍ଷ 31 ହଜାର 410 ଟଙ୍କା ସହ 4ଟି କାର, 10 ଟି ମୋଟର ସାଇକେଲ, 11 ଟି ମୋବାଇଲ ଫୋନ, 2 ଟି ଘୁଡଘୁଡି ପଟି, 12 ଟି ଡିସ୍କ, ଗୋଟିଏ ଝୁଡି ଓ ଗୋଟିଏ ପଲିଥିନ ଜବତ କରିଛି ।
ଗିରଫ ଜୁଆଡିଙ୍କ ମଧ୍ୟରୁ କେତେକ ବାହାର ରାଜ୍ୟର ଥିଲା ବେଳେ ବାକି ମାନେ ସୁନ୍ଦରଗଡ ସହ ବିଭିନ୍ନ ଜିଲ୍ଲାର ବୋଲି ଏସପି କହିଛନ୍ତି । ତେବେ ଏମାନେ କୋଭିଡ କଟକଣାକୁ ଖାତିର ନକରି ଏକତ୍ର 30ରୁ 35 ଜଣ ଗୋଲେଇ କରି ଖେଳୁଥିଲେ ବୋଲି ଜଣାପଡିଛି । ପୋଲିସ ଏମାନଙ୍କୁ କୋର୍ଟ ଚାଲାଣ କରିଛି ।
ସୁନ୍ଦରଗଡ଼ରୁ ହରିହର ଦାସ ମହାପାତ୍ର, ଇଟିଭି ଭାରତ
