ରାଉରକେଲା: ଲଗାଣ ବର୍ଷା କାରଣରୁ ରାବଣ ପୋଡି ଏବଂ ମା' ଦୁର୍ଗାଙ୍କ ଦର୍ଶନରୁ ବଞ୍ଚିତ ହୋଇଛନ୍ତି ରାଉରକେଲାବାସୀ । ସୋମବାର ସନ୍ଧ୍ୟାରେ ମଧ୍ୟ ବର୍ଷା କାରଣରୁ ନବମୀ ପୂଜାରୁ ବଞ୍ଚିତ ହୋଇଥିଲେ ସହରବାସୀ । ବର୍ଷା କାରଣରୁ ସବୁ ପୂଜା ପେଣ୍ଡାଲରେ ସାମନାରେ ପାଣି ଭରି ରହିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ମଙ୍ଗଳବାର ବିଜୟା ଦଶମୀ ଅବସରରେ ଦିନବେଳା ପୂଜା ମଣ୍ଡପରେ ପ୍ରବଳ ଭିଡ ପରିଲକ୍ଷିତ ହୋଇଥିଲା । ରାବଣ ପୋଡି ଦେଖିବାକୁ ହଜାର ହଜାର ଲୋକଙ୍କ ଭିଡ ହୋଇଥାଏ । ହେଲେ ବର୍ଷା କାରଣରୁ ଚଳିତ ବର୍ଷର ରାବଣ ପୋଡି ଫିକା ପଡିଯାଇଥିଲା ।
ବୁଧବାର ଜଗତଜନନୀ ମା ଦୁର୍ଗା ଧରାପୃଷ୍ଠରୁ ବିଦାୟ ନେବେ । ସହରର ସେକ୍ଟର-13 ମେଳଣ ପଡିଆରେ ମାଙ୍କ ବିଦାୟକୁ ନେଇ କାର୍ଯ୍ୟକ୍ରମର ଆୟୋଜନ କରାଯାଇଛି । ଏବେ ଅପେକ୍ଷା ବୁଧବାରର ପାଣିପାଗ ଉପରେ ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
