ସୁନ୍ଦରଗଡ଼: ଜିଲ୍ଲାର କିଞ୍ଜିରକେଲା ଥାନା ଅନ୍ତର୍ଗତ ସାଗଜୋର ହାଣ୍ଡିପାଣିର ଜଣେ ଯୁବତୀଙ୍କୁ ବୁଧବାର ଟାଉନ ପୋଲିସ ଲୁହୁରାଢିପା ଅଞ୍ଚଳରୁ ଉଦ୍ଧାର କରିଛି । ଉଦ୍ଧାର ହୋଇଥିବା ଯୁବତୀ ଜଣକ ମଙ୍ଗଳବାରଠାରୁ ନିଖୋଜ ଥିବା ଥାନାରେ ଅଭିଯୋଗ ହୋଇଥିଲା ।
ନିଖୋଜ ଯୁବତୀ ଉଦ୍ଧାର
ଟାଉନ ପୋଲିସ ରାତି 9 ଟା ସମୟରେ ନାଇଟ୍ ପାଟ୍ରୋଲିଂ କରୁଥିବା ବେଳେ ଉକ୍ତ ଯୁବତୀଙ୍କୁ ଉଦ୍ଧାର କରିଥିଲା । ଯୁବତୀ ଜଣଙ୍କ ଅନ୍ୟ ମନସ୍କ ଭାବେ ଜଙ୍ଗଲ ମୁହାଁ ହେଉଥିବା ବେଳେ ପୋଲିସର ନଜରକୁ ଆସିଥିଲେ । ପୋଲିସ ସଂପୃକ୍ତ ଯୁବତୀଙ୍କୁ ନିଛାଟିଆ ସ୍ଥାନରୁ ଉଦ୍ଧାର କରି ଟାଉନ ଥାନାରେ ଅଟକ ରଖିଛି । ତେବେ ସଂପୃକ୍ତ ଯୁବତୀ ଜଣଙ୍କ ମଙ୍ଗଳବାରଠାରୁ ନିଖୋଜ ଥିବା ନେଇ କିଞ୍ଜିରକେଲା ଥାନାରେ ତାଙ୍କ ବାପା ମନ ଧନୱାର ଲିଖିତ ଅଭିଯୋଗ କରିଥିବା ଜଣାପଡିଛି ।
ସୁନ୍ଦରଗଡ଼ରୁ ହରିହର ଦାସମହାପାତ୍ର, ଇଟିଭି ଭାରତ
