ସୁନ୍ଦରଗଡ: ବାରହାକୁ ଧକ୍କା ଦେଇ ଓଲଟିଲା ମ୍ୟାକ୍ସ ପିକଅପ । ଘଟଣା ସ୍ଥଳରେ ବାରହାର ମୃତ୍ୟୁ ହୋଇଥିବା ବେଳେ ମ୍ୟାକ୍ସ ପିକଅପ ଭ୍ୟାନରେ ଯାଉଥିବା 19 ଜଣ ଶ୍ରମିକ ଆହତ ହୋଇଛନ୍ତି । ଆହତଙ୍କ ମଧ୍ୟରୁ ତିନିଜଣଙ୍କ ଅବସ୍ଥା ସଙ୍କଟାପନ୍ନ ରହିଛନ୍ତି ।
ବାରାହକୁ ଧକ୍କା ଦେଇ ଓଲଟିଲା ମ୍ୟାକ୍ସ ପିକଅପ,ବାରହା ମୃତ 3 ଶ୍ରମିକ ଗୁରୁତର
ସୁନ୍ଦରଗଡ ଜିଲ୍ଲା ହେମଗିର- କନିକା ରାସ୍ତାରେ ବାରାହକୁ ଧକ୍କା ଦେଇ ଓଲଟିଲା ମ୍ୟାକ୍ସ ପିକ୍ ଅପ ଭ୍ୟାନ । ଭ୍ୟାନଟି ଝାରସୁଗୁଡା ଜିଲ୍ଲାର ocpl କମ୍ପାନୀରେ କାମ କରୁଥିବା ଠିକା ଶ୍ରମିକ ମାନଙ୍କୁ ନେଇ ସୁନ୍ଦରଗଡ ଜିଲ୍ଲା ହେମଗିରକୁ ଆସୁଥିଲା । ତେବେ ହେମଗିରକୁ ଆସୁଥିବା ବାଟରେ ଆରିୟାନ କୋଲ ୱାସରୀ ନିକଟରେ ବାରାହ ସହିତ ଧକ୍କା ହୋଇ ଓଲଟି ପଡିଥିଲା । ସ୍ଥାନୀୟ ଲୋକ ଖବର ପାଇ ସମସ୍ତ ଆହାତଙ୍କୁ ପ୍ରଥମେ ହେମଗିର ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ । ତେବେ ତିନିଜଣ ଆହତଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ସ୍ଥାନାନ୍ତରିତ କରାଯାଇଛି । ଜଙ୍ଗଲ ବିଭାଗ ଓ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ହରିହର ଦାସମହାପାତ୍ର,ଇଟିଭି ଭାରତ
