ରାଉରକେଲା: ସହର ନିକଟ ଲାଇଂଗ ଠାରେ ଥିବା ମନ୍ଦିରା ଡ୍ୟାମର ଜଳ ସ୍ତର ବଢ଼ୁଥିବାରୁ ଡ୍ୟାମ କର୍ତ୍ତୃପକ୍ଷ 5 ଟି ଗେଟକୁ ଆଜି ଖୋଲିଛନ୍ତି । ଗେଟ ନମ୍ବର 5 , 6 , 7 , 8 , 9 କୁ ଖୋଲାଯାଇ ବନ୍ୟାଜଳ ନିଷ୍କାସନ କରାଯାଉଥିବା ଜଣାପଡିଛି।
ମନ୍ଦିରା ଡ୍ୟାମ ଗେଟ ଖୋଲା ଯାଇଥିବାରୁ ବ୍ରାହ୍ମଣୀ ନଦୀରେ ଜଳସ୍ତର ବଢିବାର ସମ୍ଭାବନା ରହିଛି । ନଦୀ କୂଳରେ ରହୁଥିବା ତଳିଆ ଅଞ୍ଚଳ ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି । ଆଜି 3 ଫୁଟ ପାଣି ଛଡ଼ାଯିବାର ଯୋଜନା ରହିଛି । ତେବେ ସେମିତି ବଡ ବନ୍ୟା ବିପଦର ଆଶଙ୍କା ନାହିଁ ।
କେବଳ ସତର୍କତାମୂଳକ ପଦକ୍ଷେପ ସ୍ବରୂପ ଏହି ଗେଟ ଖୋଲାଯାଇଥିବା ଡ୍ୟାମ କର୍ତ୍ତୃପକ୍ଷ କହିଛନ୍ତି । ଅନ୍ୟପଟେ ନଦୀ କୂଳିଆରେ ରହୁଥିବା ଲୋକମାନଙ୍କୁ ଜିଲ୍ଲା ପ୍ରଶାସନ ପକ୍ଷରୁ ସତର୍କ କରି ଦିଆଯାଇଛି।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
