ରାଉରକେଲା: ରାଜ୍ୟରେ ସାଧାରଣ ନିର୍ବାଚନ ପାଖେଇ ଆସିଲାଣି ରାଜ୍ୟରେ ରାଜନୈତିକ ପାରଦ ବଢିବାରେ ଲାଗିଛି । ରାଜ୍ୟର ପ୍ରମୁଖ ରାଜନୈତିକ ଦଳ ଗୁଡିକ ଗାଁ ମୁହାଁ ହେଲେଣି । ଏହି ପରିପ୍ରେକ୍ଷୀରେ ବିଜୁ ଜନତା ଦଳ ମଧ୍ୟ ଅକ୍ଟୋବର ୨ ଠାରୁ ଜନସମ୍ପର୍କ ପଦଯାତ୍ରା ଆରମ୍ଭ କରିଛି । ସେହିଭଳି ଆଜି ରାଉରକେଲା ନିର୍ବାଚନ ମଣ୍ଡଳୀରେ ବିଜେଡିର ଜନସମ୍ପର୍କ ପଦଯାତ୍ରା ଆୟୋଜିତ ହୋଇଛି । ବିଜେଡି ସରକାରଙ୍କ ଲୋକାଭିମୁଖି ଯୋଜନା ଗୁଡିକୁ ଲୋକଙ୍କ ନିକଟରେ ପହଞ୍ଚାଇବାକୁ ରାଉରକେଲାରେ ଜନସମ୍ପର୍କ ଅଭିଯାନ କରୁଛି ଦଳ । ଏହାର ମୁଖ୍ୟ ଲକ୍ଷ୍ୟ ହେଉଛି ଜନ ହିତକାରୀ ଯୋଜନାକୁ ଲୋକଙ୍କ ପାଖରେ ପହଞ୍ଚାଇବା ଏହାର ମୁଖ୍ୟ ଲକ୍ଷ୍ୟ ବୋଲି ସୂଚନା ମିଲିଛି । ଏହି କାର୍ଯ୍ୟକ୍ରମରେ ଶ୍ରମ ମନ୍ତ୍ରୀ ସାରଦା ନାୟକ ସାମିଲ ହୋଇଥିଲେ ।
ତେବେ ରାଉରକେଲା ବିଶ୍ରା ଛକରୁ ଏକ ବିଶାଳ ରାଲି ବାହାରି ଡେଲି ମାର୍କେଟ ଦେଇ, ପ୍ଲାଣ୍ଟସାଇଡ଼, ପାୱାର ହାଉସ, କଚେରୀ ରୋଡ଼ ଆଦି ସ୍ଥାନ ଦେଇ ଉଦିତ ନଗରକୁ ଆସିଥିଲା । ବହୁ ମାତ୍ରାରେ ବିଜେଡି ନେତା, ଦଳୀୟ କର୍ମୀମାନେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ଶ୍ରମ ମନ୍ତ୍ରୀ ସାରଦା ନାୟକ ଭାବେ ଯୋଗ ଦେଇ 23 ବର୍ଷର ବିଜେଡି ସରକାରର ଉଲ୍ଲେଖନୀୟ ସଫଳତା ସମ୍ପର୍କରେ କହିଥିଲେ । ଏହା ସହ ସେ ସରକାରଙ୍କ ବିଭିନ୍ନ ପଦକ୍ଷେପ ଓ ସଫଳତା ସମ୍ପର୍କରେ ଲୋକଙ୍କୁ ସଚେତନ କରିବା ସହ ଲୋକଙ୍କ ଅସୁବିଧା ବୁଝିଥିଲେ ।
ଏହା ମଧ୍ୟ ପଢନ୍ତୁ...ପାଟକୁରାରେ ବିଜେଡି ପଦଯାତ୍ରାର ପଡିବ କି ପ୍ରଭାବ ? ଟିକେଟ ପାଇଁ ଆଶାୟୀ ଥିବା କହିଲେ ସାବିତ୍ରୀ
ଶ୍ରମ ମନ୍ତ୍ରୀ କହିଛନ୍ତି,"ବିଗତ ୨୩ ବର୍ଷ ଶାସନ ମଧ୍ୟରେ ବିଭିନ୍ନ ଯୋଜନା ମାଧ୍ୟମରେ ଓଡ଼ିଶା ଜନସାଧାରଣଙ୍କ ସୁବିଧା ପାଇଁ କାମ କରି ଆସିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା, ମିଶନ ଶକ୍ତି, କ୍ରୀଡା କ୍ଷେତ୍ର ସହ ସାମାଜିକ ସୁରକ୍ଷା ଓ ଖାଦ୍ୟ ନିରାପତ୍ତାରେ ଓଡ଼ିଶାର ସମ୍ବଦ୍ଧ ସ୍ଥିତି, ଚାଷୀ ଓ ଚାଷର ଉନ୍ନତି ପାଇଁ ସରକାରଙ୍କ ପ୍ରାଥମିକତା ଦେଇ ଆସିଛନ୍ତି । "
ଚଳିତ ବର୍ଷର ଜନସମ୍ପର୍କ ପଦଯାତ୍ରା ପ୍ରତ୍ୟେକ ନିର୍ବାଚନ ମଣ୍ଡଳୀସ୍ତରରେ ପାଳନ କରାଯାଇଛି । ଏକ ମାସେ ବ୍ୟାପୀ ସକ୍ରିୟ ସଦସ୍ୟ ଓ ସଦସ୍ୟାମାନଙ୍କୁ ନେଇ ପ୍ରତ୍ୟେକ ନିର୍ବାଚନ ମଣ୍ଡଳୀର ଲୋକଙ୍କ ନିକଟରେ ପହଞ୍ଚିବ ବିଜେଡ଼ି ।
ଏହା ମଧ୍ୟ ପଢନ୍ତୁ...ରାଜ୍ୟ ସରକାରଙ୍କ ଜନ କଲ୍ୟାଣ ଯୋଜନା ଅବଗତ କରାଉଛନ୍ତି କର୍ମୀ, ବୌଦ୍ଧରେ ବିଜେଡିର ଜନ ସମ୍ପର୍କ ପଦଯାତ୍ରା
ଏହା ମଧ୍ୟ ପଢନ୍ତୁ...ଫୁଲବାଣୀରେ ବିଜେଡିର ଜନସମ୍ପର୍କ ପଦଯାତ୍ରା, ଘରକୁ ଘର ବୁଲିଲା ଶଙ୍ଖ କ୍ୟାମ୍ପ
ଇଟିଭି ଭାରତ,ରାଉରକେଲା
