ରାଉରକେଲା: ଆଜି ନବମ ଅନ୍ତର୍ଜାତୀୟ ଯୋଗ ଦିବସ । ଏହି ଅବସରରେ ରାଉରକେଲା ଉଦିତନଗର ମିନି ଷ୍ଟାଡିୟମରେ ଅନ୍ତର୍ଜାତୀୟ ଯୋଗ ଦିବସ ଉତ୍ସାହର ସହ ପାଳିତ ହୋଇଯାଇଛି । ସାଧାରଣ ଜନତାଙ୍କଠାରୁ ଆରମ୍ଭ କରି ଛାତ୍ର, ଯୁବକ, ଶିଶୁ, ଏପରିକି ବୟସ୍କଙ୍କ ପର୍ୟ୍ୟନ୍ତ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ଯୋଗର ଏକତା ଶକ୍ତି ଏବଂ ଶାରୀରିକ ଏବଂ ମାନସିକ ସୁସ୍ଥତାକୁ ପ୍ରୋତ୍ସାହିତ କରିବା ପାଇଁ ଏହାର ଲୋକପ୍ରିୟତାକୁ ପ୍ରଦର୍ଶିତ କରାଯାଇଥିଲା । ସ୍ଥାନୀୟ ପ୍ରଶାସନ, ବିଭିନ୍ନ ଯୋଗ ଅନୁଷ୍ଠାନ ଓ ସ୍ୱେଚ୍ଛାସେବୀଙ୍କ ତତ୍ତ୍ୱାବଧାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଏହା ମଧ୍ୟ ପଢନ୍ତୁ- International Yoga Day: ଝାରସୁଗୁଡାରେ ଯୋଗ ଦିବସ ପାଳିତ
ତେବେ ବିଭିନ୍ନ କଲେଜ , ସ୍କୁଲ ଏବଂ ବିଭିନ୍ନ ସଂଗଠନ ର ଲୋକେ ମଧ୍ୟ ଏଠାରେ ଯୋଗ ଦେଇ ଯୋଗ କରିଥିଲେ । ଶାନ୍ତି ଓ ସୌହାର୍ଦ୍ଦ୍ୟର ମୂଳମନ୍ତ୍ରକୁ ପ୍ରତିଧ୍ୱନିତ କରି ଏହି ଉତ୍ସବର ଶୁଭାରମ୍ଭ କରାଯାଇଥିଲା । ଏହାପରେ ଯୋଗ ପ୍ରଶିକ୍ଷକମାନଙ୍କ ଦ୍ୱାରା ଯୋଗ ଆସନ ଏବଂ ପ୍ରାଣାୟାମ ଏବଂ ବ୍ୟାୟାମ କରାଯାଇଥିଲା । ଯୋଗ ଦ୍ୱାରା ସୃଷ୍ଟି ହେଉଥିବା ଶକ୍ତି, ନମନୀୟତା ଏବଂ ସନ୍ତୁଳନର ଉତ୍ତମ ମିଶ୍ରଣକୁ ପ୍ରଦର୍ଶନ କରି ଅଂଶଗ୍ରହଣକାରୀମାନେ ଅତ୍ୟନ୍ତ ଏକାଗ୍ରତାର ସହ ଅନୁସରଣ କରିଥିଲେ । ଏନେଇ ଯୋଗ କରି ଖୁବ ଭଲ ଲାଗୁଥିବା କଥା କହିଛନ୍ତି ରାଉରକେଲା ସହରବାସୀ । ସବୁ ବୟସ ଓ ପୃଷ୍ଠଭୂମିର ଲୋକ ଉତ୍ସାହର ସହ ଏଥିରେ ଭାଗ ନେଉଥିବାରୁ ସମାବେଶର ଉତ୍ସାହ ଦ୍ବିଗୁଣିତ ହୋଇଥିଲା ।
ଏହା ମଧ୍ୟ ପଢନ୍ତୁ- International Yoga Day: ରାଜଧାନୀରେ ଯୋଗଭ୍ୟାସ କଲେ ବିଜେପି ନେତା
ସେପଟେ ଏହି କାର୍ଯ୍ୟକ୍ରମରେ ଆୟୋଜକମାନଙ୍କ ଦ୍ୱାରା ଯୋଗର ଅନେକ ଲାଭ ବିଷୟରେ ଆଲୋଚନା କରାଯାଇଥିଲା । ଯୋଗକୁ ଦୈନନ୍ଦିନ ଜୀବନରେ ସାମିଲ କରିବା, ଶାରୀରିକ ସୁସ୍ଥତା, ମାନସିକ ସୁସ୍ଥତା, ଚାପ ହ୍ରାସ ଏବଂ ଜୀବନର ସାମଗ୍ରିକ ଗୁଣବତ୍ତା ଉପରେ ଏହାର ସକାରାତ୍ମକ ପ୍ରଭାବ ଉପରେ ଆଲୋଚନା କରାଯାଇଥିଲା । ତେବେ ୨୦୧୫ରୁ ଆନ୍ତର୍ଜାତିକ ଯୋଗ ଦିବସ ପାଳନ ହେଉଛି । ଆମେରିକାର ମିଳିତ ଜାତିସଂଘ ସାଧାରଣ ପରିଷଦର ୬୯ତମ ଅଧିବେଶନକୁ ପ୍ରଥମ କରି ସମ୍ବୋଧିତ କରି ପ୍ରଧାନମନ୍ତ୍ରୀ ଯୋଗ ଦିବସ ପାଇଁ ପ୍ରସ୍ତାବ ରଖିଥିଲେ । ଏହା ପରେ ଜୁନ୍ ୨୧କୁ ଭାରତ ସମେତ ବିଭିନ୍ନ ରାଷ୍ଟ୍ର ଏହି ଦିବସକୁ ପାଳନ କରୁଛନ୍ତି ।
ଇଟିଭି ଭାରତ, ରାଉରକେଲା
