ରାଉରକେଲା: କୋରୋନା ମାଡରେ ବେହାଲ ଚାଷୀ । ମହାମାରୀ କୋରୋନା ଯୋଗୁଁ ଚାଷୀଙ୍କ ଆର୍ଥିକ ମେରୁଦଣ୍ଡ ଭାଙ୍ଗି ଯାଇଥିବାବେଳେ ବର୍ତ୍ତମାନ ଧାନ ଚାଷ କରି ବ୍ୟାପକ କ୍ଷତି ବରଦାସ୍ତ କରିବା ପରିସ୍ଥିତିରେ ନାହାନ୍ତି । ଏହି ଦୃଶ୍ୟ ଦେଖିବାକୁ ମିଳିଛି ସୁନ୍ଦରଗଡ଼ ଜିଲ୍ଲାର ବିଶ୍ରା ବ୍ଲକର କପ୍ରଣ୍ଡା ଗାଁରେ ।
ସାଧାରଣତଃ ଚାଷୀ ମାନେ ହଳ କିମ୍ବା ଟ୍ରାକ୍ଟର ଯୋଗେ ଜମିକୁ ଧାନ ଚାଷ କରିବା ପାଇଁ ପ୍ରସ୍ତୁତ କରିଥାନ୍ତି । ଚାଷୀ ମାନେ ନିକଟସ୍ଥ ବିଶ୍ରା ଲ୍ୟାମ୍ପରୁ ସରକାରୀ ବିହନ ଆଣି ବୁଣି ଥିଲେ । କିନ୍ତୁ ବିହନ ଗଜା ହେଉ ନାହିଁ ଏହି ଅଭିଯୋଗ ଆଣିଛନ୍ତି ସେହି ଅଞ୍ଚଳରେ କ୍ଷତିଗ୍ରସ୍ତ ଚାଷୀ । ସେମନଙ୍କ ଅଭିଯୋଗ ରହିଛି ଧାନ ବିହନ ଖରାପ ଥିବାରୁ ଏହା ଗଜା ହୋଇପାରୁ ନାହିଁ । ଚାଷୀ ଘରେ ଥିବା ପୁଞ୍ଜି ବିନିଯୋଗ କରି କ୍ଷେତ ପ୍ରସ୍ତୁତ କଲେ,ସାର କିଣିଲେ ତଥା ବିହନ କିଣି ବୁଣିଲେ କିନ୍ତୁ ଏହା ଗଜା ନ ହେବାରୁ ତାଙ୍କ ଜମା ପୁଞ୍ଜି ବୁଡିଯାଇଛି ।
ଆଗକୁ ଧାନ ରୋଇବା ସମୟ ହେଲେ ହାତରେ ଆଉ ସମୟ ନାହିଁ ଚାଷି କରିବେ କ'ଣ । ବର୍ତ୍ତମାନ ଚୀଷୀମାନେ ମୁଣ୍ଡରେ ହାତ ଦେଇ ସରକାରୀ ସହାୟତା ଅପେକ୍ଷାର ରହିଛନ୍ତି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର,ଇଟିଭି ଭାରତ
