ସୁନ୍ଦରଗଡ : ଜିଲ୍ଲା ବ୍ରାହ୍ଣଣୀ ବ୍ରିଜ ଦାଣ୍ଡିଆ ପାଲି ଛକ ନିକଟରେ ଚଳନ୍ତା କାରରେ ଲାଗିଲା ନିଆଁ । ଅଳ୍ପକେ ବଞ୍ଚିଗଲେ କାର ଥିବା ସମସ୍ତ ଯାତ୍ରୀ । କାରଟି ସମ୍ବଲପୁରରୁ ରାଉରକେଲା ଅଭିମୁଖେ ଯାଉଥିବା ବେଳେ ଏହି ଘଟଣା ଘଟିଛି । ଟାଟା ଇଣ୍ଡିଗୋ କାରଟି ସମ୍ବଲପୁରରୁ ରାଉରକେଲା ସେକ୍ଟର–20କୁ ଯାଉଥିଲା । ଦାଣ୍ଡିଆପାଲି ଛକ ନିକଟରେ ହଠାତ କାର ଇଞ୍ଜିନରୁ ପ୍ରଚୁର ପରିମାଣର ଧୂଆଁ ବାହାରିଥିଲା । ଧୂଆଁ ବାହାରିବା ଦେଖି ଲୋକେ ପାଟି କରିଥିଲେ । କାର ଚଳାଉଥିବା ବ୍ୟକ୍ତି କାର ଅଟକାଇବା ମାତ୍ରେ ଚାହୁଁଚାହୁଁ କାରରେ ନିଆଁ ଲାଗିଯାଇଥିଲା ।
ଚଳନ୍ତା କାରରେ ଲାଗିଲା ନିଆଁ , ଅଳ୍ପକେ ବର୍ତ୍ତିଲେ ସମସ୍ତ ଯାତ୍ରୀ
ତେବେ କାର ଭିତରୁ ଦୁଇ ଶିଶୁ ,ଦୁଇ ମହିଳା ଓ ଦୁଇ ପୁରୁଷ ଜୀବନ ବିକଳେ ବାହାରି ନିଜ ଜୀବନକୁ ବଞ୍ଚାଇ ପାରିଥିଲେ । ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ୟ କାରଟି ସମ୍ପୂର୍ଣ୍ଣ ଜଳି ପାଉଁଶ ହୋଇଯାଇଛି । ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
