ସୁନ୍ଦରଗଡ଼:ବଣେଇଗଡ ଜଗନ୍ନାଥପୁର ସାହିରେ ଜଣେ ବୃଦ୍ଧଙ୍କ ମୃତଦେହ ଉଦ୍ଧାର । ବୃଦ୍ଧ ରାହାସ ବିହାରୀ ସାହୁ (୬୫)ଙ୍କର ନିଜ ଭଙ୍ଗା ଘର ସମ୍ମୁଖରୁ କ୍ଷତ ବିକ୍ଷତ ଅବସ୍ଥାରେ ମୃତଦେହ ଉଦ୍ଧାର କରାଯାଇଛି । ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ କେହି ଦୁର୍ବୃତ୍ତ ତାଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି ।
ଶୁକ୍ରବାର ପାଖାପାଖି 11ଟା ସମୟରେ ଗାଁ ଲୋକେ ଏହି ଅଭାବନୀୟ ଘଟଣା ଦେଖି ବଣାଇଁ ଥାନାକୁ ଖବର ଦେଇଥିଲେ । ଖବର ପାଇ ବଣାଇଁ ଥାନା ଅଧିକାରୀ ଲକ୍ଷ୍ମୀନାରାୟଣ ମାରାଣ୍ଡି ଓ ଏଏସଆଇ ବରୁଣ କୁମାର ନାଏକ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛନ୍ତି । ତେବେ ସାଇଣ୍ଟିଫିକ୍ ଟିମ୍ ସାହାଯ୍ୟରେ ତଦନ୍ତ ଜାରି ରଖିଛନ୍ତି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
