ସୁନ୍ଦରଗଡ: ଜିଲ୍ଲା ଆଇନ ସେବା ପ୍ରାଧିକରଣ ଦ୍ୱାରା ଏସଟି ଓ ଏସସି ପ୍ରିଭେନସନ ନିୟମ ଉପରେ ଏକ ସଚେତନତା ଶିବିର ଅନୁଷ୍ଠିତ ହୋଇଛି । ଜିଲ୍ଲା ଭବାନୀପୁର ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟରେ ଏହି ସଚେତନତା ଶିବିର ଅନୁଷ୍ଠିତ ହୋଇଛି ।
ଆଇନ ସେବା ପ୍ରାଧିକରଣରେ ଆଦିବାସୀ ଓ ହରିଜନଙ୍କ ପାଇଁ ଥିବା ଆଇନର ବ୍ୟବସ୍ଥା , ତାର ଗୁରୁତ୍ବ, ପ୍ରଭାବ ଓ କ୍ଷମତା ନେଇ ଭବାନୀପୁର ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟରେ ପଢୁଥିବା ଛାତ୍ରଛାତ୍ରୀଙ୍କୁ ଅବଗତ କରାଯାଇଛି । କୌଣସି ସ୍ଥିତିରେ କେହି ବି ଏହି ବର୍ଗର ଲୋକଙ୍କୁ ତାଙ୍କ ଜାତି ନେଇ କୌଣସି ପ୍ରଶ୍ନ କିମ୍ବା ଜାତିକୁ ଆକ୍ଷେପ କରି କିଛି ବି କହି ପାରିବେ ନାହିଁ । ଯଦି ଏପରି କେହି କରେ ସେମାନଙ୍କୁ ଦଣ୍ଡ ଭୋଗିବା ନିଶ୍ଚିତ ବୋଲି ଆଇନ ସେବା ପ୍ରାଧିକରଣ କହିଛି ।
କେହି ନରହତ୍ୟା କରି ଆଗ୍ରୀମ ଜାମିନ ପାଇଁ ନ୍ୟାୟାଳୟର ଆଶ୍ରୟ ନିଅନ୍ତି ତେବେ ତାଙ୍କୁ ହୁଏତ ଜାମିନ ମିଳିପାରେ ହେଲେ ଏହି ବର୍ଗର ମାମଲାରେ ନ୍ୟାୟଳୟ କାହାରିକୁ ଜାମିନ ଦେଇ ପାରିବ ନାହିଁ ବୋଲି ଆଇନସେବା ପ୍ରାଧିକରଣ ସ୍ପଷ୍ଟ କରିଛି । ସାଧାରଣ ଲୋକଙ୍କ ପରି ଆଦିବାସୀ ଓ ହରିଜନଙ୍କୁ ସେତିକି ସମ୍ମାନ ମିଳିବା ଦରକାର ବୋଲି କହିଛନ୍ତି ସ୍ବତନ୍ତ୍ର ଜଜ ଅଶ୍ବିନୀ କୁମାର ନାୟକ ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
