ସୁନ୍ଦରଗଡ: ବଜ୍ରପାତରେ ଜଣେ ମୃତ । ସୁନ୍ଦରଗଡ ଜିଲ୍ଲା ଧରୁଆଡିହି ଥାନା ଅନ୍ତର୍ଗତ ମଝାପଡା ତେଲିମାଲରେ ବଜ୍ରାଘାତ । ବଜ୍ରାଘାତରେ ସନାତନ ହେମ୍ବ୍ରମ ନାମକ ଜଣେ 22 ବର୍ଷ ବୟସ୍କ ଯୁବକର ଘଟଣା ସ୍ଥଳରେ ମୃତ୍ୟୁ ହୋଇଛି । ଆଜି ଦିନ ଦ୍ୱିପ୍ରହର ପ୍ରାୟ 2 ଟା 30 ସମୟରେ ଘଟିଛି ଏହି ଘଟଣା । ଅଚାନକ ପବନ ସାଙ୍ଗକୁ ବଜ୍ରପାତ ହୋଇଥିଲା ।
ଅଚାନକ ବଜ୍ରପାତ ଘଟି ଜଣେ ଯୁବକ ମୃତ
ମୃତ ଯୁବକ ଜଣଙ୍କ ପାଖରେ ଥିବା ପୋଖରୀ କୂଳରେ ଠିଆ ହୋଇଥିବା ସମୟରେ ଘଟିଛି ଏହି ଦୁଃଖଦ ଘଟଣା । ପରିବାର ଓ ଗ୍ରାମବାସୀ ମାନେ ସଂପୃକ୍ତ ଯୁବକଙ୍କୁ ଏକ ଖଟିଆରେ ବୋହି ମଝାପଡା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ହେଲେ ଡାକ୍ତର ତାଙ୍କୁ ମୃତ ଘଷୋଣା କରିବା ସହ ଏ ନେଇ ଧରୁଆ ଡିହି ଥାନାକୁ ସୂଚିତ କରିଛନ୍ତି । ସ୍ଥାନୀୟ ସରପଞ୍ଚ ମୃତକଙ୍କ ପରିବାରକୁ ତୁରନ୍ତ ସରକାରୀ ସାହାଯ୍ୟ ଯୋଗାଇଦେବା ନେଇ ନିବେଦନ କରିଛନ୍ତି ।
ସୁନ୍ଦରଗଡରୁ ହରିହର ଦାସମହାପାତ୍ର, ଇଟିଭି ଭାରତ
