ରାଉରକେଲା: ଧରା ପଡିଲେ ନକଲି ପରୀକ୍ଷାର୍ଥୀ । ରାଉରକେଲା NITରେ ପରୀକ୍ଷା ଦେଲାବେଳେ ଧରା ପଡିଲେ ଚାରି ଜଣ ନକଲି ପରୀକ୍ଷାର୍ଥୀ । ଜୁନିଅର ଆସିଷ୍ଟାଣ୍ଟ ଟ୍ରେନିଂ ପରୀକ୍ଷାରେ ଅସଲି କ୍ୟାଣ୍ଡିଡେଟ ବଦଳରେ ନକଲି କ୍ୟାଣ୍ଡିଡେଟ ଦେଉଥିଲେ ପରୀକ୍ଷା । ଚେକିଂ ସମୟରେ ପଡିଲେ ଧରିଲେ ନିରୀକ୍ଷକ । ତେବେ ଗତକାଲି(ଶନିବାର) ରାଉରକେଲା NITରେ ଜୁନିଅର ଆସିଷ୍ଟାଣ୍ଟ୍ ଟ୍ରେନିଂ ପଦବୀ ପାଇଁ ଚାଲିଥିଲା ପରୀକ୍ଷା ।
NIT ରାଉରକେଲା ପକ୍ଷରୁ ଅଗଷ୍ଟ 16 ତାରିଖରୁ ଅଗଷ୍ଟ 27 ତାରିଖ ପର୍ଯ୍ୟନ୍ତ ଅନୁଷ୍ଠାନର ଏଲ୍ଏ-1 କମ୍ପ୍ଲେକ୍ସ ଓ ଅନ୍ୟାନ୍ୟ ବିଲ୍ଡିଂରେ ଜୁନିଅର ଆସିଷ୍ଟାଣ୍ଟ ଲିଖିତ ପରୀକ୍ଷା କରାୟାଉଛି । ଲିଖିତ ପରୀକ୍ଷା ଦେବା ପାଇଁ 1307 ଜଣ ପରୀକ୍ଷାର୍ଥୀଙ୍କୁ ଇ-ଅଇଡି କାର୍ଡ ପ୍ରଦାନ କରାଯାଇଥିଲା । ଇ-କାର୍ଡରେ ଥିବା ସୂଚନାକୁ ମେଳ କରୁଥିବା ବେଳେ ପରୀକ୍ଷାର୍ଥୀଙ୍କ ପାଖରେ ଉପଲବ୍ଧ ଆଇଡି କାର୍ଡ ସହ ମା'ଙ୍କ ନାମ ମେଳ କି ଫଟୋ ମ୍ୟାଚ କରିନଥିଲା । ଏହାକୁ ନେଇ ଯାଞ୍ଚ କରିବା ପରେ ଚାରୋଟି ନକଲି ପରୀକ୍ଷାର୍ଥୀ ମାମଲା ସାମ୍ନାକୁ ଆସିଥିଲା ।
ରାଉରକେଲା ଡିସିପି ପୁଷ୍ପାଞ୍ଜଳି ନିଙ୍ଗି କହିଛନ୍ତି, "ଚାରି ଜଣ ନକଲି ପରୀକ୍ଷାର୍ଥୀ ହେଲେ ପୁନିତ ସିଂ, ଗୌରବ ଚୌହାନ, ମନିଶ କୁମାର ଓ ସୁନୀଲ କୁମାର । ତେବେ ତୁଷାରଙ୍କ ପାଇଁ ପୁନିତ ସିଂହ, ସୁରଜ ଖଗୱାଲଙ୍କ ପାଇଁ ଗୌରବ ଚୌହାନ, ଦୀପକଙ୍କ ପାଇଁ ସୁନୀଲ ଏବଂ ଦୀପକ ମଲ୍ଲିକ ଙ୍କ ପାଇଁ ମନିଷ କୁମାର ପରୀକ୍ଷା ଦେଉଥିବା ଅଧିକାରୀ କହିଛନ୍ତି । ପରୀକ୍ଷା ସରିବା ପରେ ଉପରୋକ୍ତ ଚାରି ଜଣ ଉପସ୍ଥିତ ଛାତ୍ରଛାତ୍ରୀଙ୍କ ପରିଚୟ ଜାଣିବା ପରେ ସେମାନଙ୍କୁ ସୁରକ୍ଷାକର୍ମୀମାନେ ଅଟକ ରଖିଥିଲେ । ଏହି ରିପୋର୍ଟ ଆଧାରରେ ସେକ୍ଟର 3 ଥାନାରେ ଅଭିଯୋଗ ହୋଇଥିଲା । ଏହାପରେ ସମସ୍ତ ଚାରି ଜଣ ଯୁବକଙ୍କୁ ଗିରଫ କରାଯାଇଛି ।’’
ତେବେ ପୋଲିସ ଗୋଟିଏ ଧଳା ରଙ୍ଗର ମାଇକ୍ରୋ ଫୋନ, ଜିଏସଏମ ବ୍ଲୁଟୁଥ ଫୋନ ବକ୍ସ ସହିତ ଅଦୃଶ୍ୟ କ୍ୟାମ୍ ଲୁକ୍କାୟିତ ମାଇକ୍ରୋ ବାୟାଲେସ୍ କଭରେଟ ଗୌରବ ଚୌହାନଙ୍କଠାରୁ ଉଦ୍ଧାର କରାଯାଇଛି । ଏହାସହ ଅନ୍ଯମାନଙ୍କଠାରୁ ମଧ୍ୟ ବିଭିନ୍ନ ସ୍ପାଏ କ୍ୟାମେରା, ଇଏର ପିସ , ନାନୋ ଇୟରପିସ୍ ଭଳି ଅନେକ କପି କରିବା ପାଇଁ ବ୍ୟବହୃତ ବସ୍ତୁ ଜବତ ହୋଇଛି । ଏହି ନକଲି ପରୀକ୍ଷାର୍ଥୀ ମାନେ କିଭଳି ଏବଂ କାହା ଜରିଆରେ ଏହି କାରନାମା କରୁଥିଲେ ତାହା ନେଇ ମଧ୍ୟ ତଦନ୍ତ ଜାରି ରହିଥିବା ଡିସିପି କହିଛନ୍ତି ।
ଇଟିଭି ଭାରତ, ରାଉରକେଲା
