ସୁବର୍ଣ୍ଣପୁର: ଜିଲ୍ଲା ତରଭା ଥାନା ନୂଆପାଲି ଗାଁର ଏକ ପଳାସ ଗଛରୁ ଜଣେ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ଆଜି(ରବିବାର) ଯୁବତୀଙ୍କ ଝୁଲନ୍ତା ମୃତଦେହ ଗାଁର ରଙ୍କମଣୀ ଖେତିଙ୍କ କ୍ଷେତର ପଳାସ ଗଛରେ ଏକ ଲେଂଙ୍ଗିସ ପେଣ୍ଟ ଲାଗି ଝୁଲୁଥିବା କିଛି ଲୋକ ଦେଖିବାକୁ ପାଇଥିଲେ । ପରେ ଘଟଣା ବିଷୟରେ ତରଭା ପୋଲିସକୁ ଖବର ଦେଇଥିଲେ ।
ଯୁବତୀର ଝୁଲନ୍ତା ମୃତଦେହ ଉଦ୍ଧାର
ଖବର ପାଇ ତରଭା ପୋଲିସ ମୃତଦେହକୁ ଜବତ କରିବା ସହ ତଦନ୍ତ କରୁଛି । ତେବେ ମୃତ ଯୁବତୀ ଜଣକ ବିରବର ସିଂଙ୍କ 17 ବର୍ଷୀୟା ଝିଅ ରୀସ୍ନା ସିଂ ବୋଲି ଜଣାପଡିଛି ।
ଯୁବତୀଙ୍କ ଘର ବୌଦ୍ଧ ଜିଲ୍ଲା ଦହ୍ୟା ନିକଟ ସିଂହପାଲିରେ ହୋଇଥିବାବେଳେ ସେ ନିଜ ମାମୁଁ ଘର ନୂଆପାଲି ଗାଁରେ ରହି ବଡ଼ଭଇରୋ କଲେଜରେ ଯୁକ୍ତ ଦୁଇ ଦ୍ଵିତୀୟ ବର୍ଷରେ ପାଠ ପଢୁଥିଲେ । ପୋଲିସ ପ୍ରାଥମିକ ତଦନ୍ତରୁ ଏହା ଏକ ଆତ୍ମହତ୍ୟା ବୋଲି ସନ୍ଦେହ କରୁଥିବା ବେଳେ ପରିବାର ଲୋକେ କିନ୍ତୁ ଏହାକୁ ସହଜରେ ଗ୍ରହଣ କରି ପାରୁ ନଥିବା ଜଣାପଡିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
