ସୁବର୍ଣ୍ଣପୁର: ଜନ୍ମ କଲା ମା'କୁ କାଠ ଫାଳିଆରେ ପିଟିପିଟି ହତ୍ୟା କରିଛି ନିଜ ପୁଅ । ଏଭଳି ଅଭାନୀୟ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ବିନିକା ଥାନା ସିଂହୀଯୁବା ପଞ୍ଚାୟତ ଖଇରମାଳ ଗାଁରେ । ଘଟଣାଟି ଏବେ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ତେବେ କେଉଁ କାରଣରୁ ପୁଅ ନିଜ ମା'କୁ ହତ୍ୟା କରିଛି ତାହା ଜଣାପଡ଼ିନାହିଁ ।
ପୁଅର କାଠ ଫାଳିଆ ମାଡ଼ରେ ମା'ର ମୃତ୍ୟୁ
ସୁଚନା ଅନୁସାରେ ରବିବାର 60 ବର୍ଷୀୟ ସତ୍ୟ ଭୋଇ ଘର ବାହାରେ ଥିବା ସମୟରେ ନିଜ 28 ବର୍ଷୀୟ ପୁଅ ଗଣେଷ ଏକ କାଠ ଫାଲିଆରେ ମା'କୁ ଆକ୍ରମଣ କରିଥିଲା । ଫଳରେ ତାଙ୍କ ମୁଣ୍ଡଫାଟି ପ୍ରଚୁର ରକ୍ତଶ୍ରାବ ହୋଇଥିଲା । ଘଟଣା ସ୍ଥଳରେ ହିଁ ଟଳିପଡିଥିଲା ଗଣେଶର ମା'।
ବିନିକା ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ପୁଅକୁ ଗିରଫ କରି ଥାନାକୁ ଆଣିଛି । ଅଭିଯୁକ୍ତ ପୁଅ ଜଣେ ମାନସିକ ବିକୃତ ଯୁବକ ବୋଲି ଆଲୋଚନା ହେଉଛି । ପୋଲିସ ମୃତ ଦେହକୁ ଜବତ କରି ବିନିକା ଡାକ୍ତରଖାନକୁ ବ୍ୟବଛେଦ ପାଇଁ ପଠାଇଥିବା ଜଣାପଡିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
