ସୁବର୍ଣ୍ଣପୁର: ଭିଷଣ ବର୍ଷାରେ ଭୁଷୁଡିଲା ସୁବର୍ଣ୍ଣପୁର ଜିଲ୍ଲା ଉପଜିଲ୍ଲାପାଳଙ୍କ କାର୍ଯ୍ୟାଳୟର ପାଚେରୀ । ଲଘୁଚାପ ଜନିତ ପ୍ରବଳ ବର୍ଷାରେ ଦୁର୍ବଳ ହୋଇ ପଡ଼ିଥିବା କାନ୍ଥଟି ଭୁଶୁଡି ପଡିଥିଲା । ପ୍ରାୟ 20 ଫୁଟ ବିଶିଷ୍ଟ କାନ୍ଥ ଭୁଷୁଡି ଯିବାରୁ ଦୁଇଟି ମୋଟର ସାଇକେଲ କ୍ଷତି ହୋଇ ଥିବାବେଳେ ଜଣେ ଯାତ୍ରୀ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି ।
ଭାଙ୍ଗି ଯାଇଥିବା କାନ୍ଥକୁ ଲାଗି ଦୁଇଟି ବାରଣ୍ଡା ତିଆରି କରାଯାଇଥିଲା । ବିଭିନ୍ନ ସରକାରୀ କାର୍ଯ୍ୟରେ ଆସୁଥିବା ଲୋକେ ସେହି ବାରଣ୍ଡାରେ ବିଶ୍ରାମ ନେବା ସହିତ ଷ୍ଟାମ୍ପ ଭେଣ୍ଡର ଓ ଲେଖକମାନେ ବସି ନିଜର କାର୍ଯ୍ୟ କରୁଥିଲେ । ତେବେ ଦୀର୍ଘ ଦିନରୁ ଦୁର୍ବଳ ହୋଇ ପଡ଼ିଥିବା କାନ୍ଥକୁ ଭାଙ୍ଗି ନୂତନ ପାଚେରୀ ଓ ବାରଣ୍ଡା ତିଆରି କରିବା ପାଇଁ ଉପ ଜିଲ୍ଲାପାଳଙ୍କ ନିକଟରେ ଦାବି ହୋଇ ଆସୁଥିଲା । ହେଲେ ଏଯାଏଁ କାନ୍ଥ ମରାମତି କରା ଯାଇ ନଥିବାରୁ ବର୍ଷାରେ କାନ୍ଥଟି ଭାଙ୍ଗି ପଡିଛି ।
ଅପରପକ୍ଷରେ ତୁରନ୍ତ ଏହା ମରାମତି କରାଯିବା ସହିତ ଲୋକେ ବିଶ୍ରାମ ନେଵାକୁ ନୂତନ ଭାବେ ବାରଣ୍ଡା ଦୁଇଟିକୁ ତିଆରି କରାଯିବ ବୋଲି ଉପଜିଲ୍ଲାପାଳ ବଳରାମ ମଲ୍ଲିକ କହିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ
