ସୁବର୍ଣ୍ଣପୁର: ବଲାଙ୍ଗିର 56 ନମ୍ବର ଜାତୀୟ ରାଜପଥରେ ମର୍ମନ୍ତୁଦ ସଡକ ଦୁର୍ଘଟଣା । ଏକ ସ୍କର୍ପିଓ ସହ ହାଇୱାର ମୁହାଁମୁହିଁ ଧକ୍କା ହେବା ଫଳରେ ଘଟଣାସ୍ଥଳରେ 2 ଜଣଙ୍କର ମୃତ୍ୟୁ ହୋଇଥିବା ବେଳେ 3 ଜଣ ଗୁରୁତର ହୋଇଛନ୍ତି । ସମସ୍ତ ଗୁରୁତରଙ୍କୁ ସୋନପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମୃତକଙ୍କ ଭିତରେ ଜଣେ ବଲାଙ୍ଗିର ବଙ୍ଗୋମୁଣ୍ଡା ବ୍ଳକ ବିରିପାଲି ଗାଁର ରାଷ୍ଟ୍ରପତି ବେହେରା ଓ ଅନ୍ୟ ଜଣେ କଣ୍ଟାବାଜିର ଧର୍ମ ଯାଦବ ବୋଲି ଜଣାପଡିଛି ।
ମୃତକ ରାଷ୍ଟ୍ରପତି ବେହେରା ରାଜ୍ୟ ବିଜେପିର କାର୍ଯ୍ୟକାରିଣୀ ସଦସ୍ୟ ଥିବାବେଳେ ସେ ରାଜନୈତିକ କାର୍ଯ୍ୟରେ ଅନ୍ୟ 4 ସହଯୋଗୀଙ୍କୁ ନେଇ କଣ୍ଟାବାଞ୍ଜିରୁ ଭୁବନେଶ୍ୱର ଯାଉଥିଲେ । ରାତି ପ୍ରାୟ 12ଟା ବେଳେ ସିଆଲଜୁରୀ ନିକଟରେ ଏହି ଦୁର୍ଘଟଣା ଘଟିଥିଲା। ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଛି ପୋଲିସ ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
