ସୁବର୍ଣ୍ଣପୁର: ଜିଲ୍ଲାର ମହାନଦୀ ପୋଲ ନିକଟ ପୁରୁଣା ରାଜ ଉଆସରେ ରହୁଥିବା 15ଟି ପରିବାର ହେଲେ ବେଘର । ମହାନଦୀରୁ ତେଲନଦୀ ଯାଏଁ ଫୋର ଲେନ ରାସ୍ତା ପାଇଁ ଏମାନଙ୍କୁ ଉଚ୍ଛେଦ କରାଯିବାକୁ ପ୍ରଶାସନ ତତ୍ପର ହୋଇଛି । ଫଳରେ ଥଇଥାନ ପାଇଁ ଜିଲ୍ଲାପାଳଙ୍କ ନିକଟରେ ଏହି ପରିବାର ଦାବି କରିଛନ୍ତି ।
ସୂଚନାନୁଯାୟୀ ଏହି ପରିବାର ଦୀର୍ଘ ଦିନରୁ ବେଆଇନ ଭାବେ ପୁରୁଣା ରାଜ ଉଆସରେ ରହି ଆସୁଛନ୍ତି । ଏହା ଜଙ୍ଗଲ କିସମ ଜମି ହୋଇଥିବାରୁ ଏହି ପରିବାର ଗୁଡିକୁ ସେମାନେ ରହୁଥିବା ଜାଗାରେ ଜାଗା ମିଶନ ଯୋଜନାରେ ଘର ଡିହ ଜାଗା ଓ ପ୍ରଧାନମନ୍ତ୍ରୀ ଆବାସ ଯୋଜନାରେ ପକ୍କା ଘର ଯୋଗାଇ ଦିଆଯାଇ ପାରୁନାହିଁ । ଏହି ପରିବାରମାନେ ଅନେକବାର ପୌର ପରିଷଦ ପାଖରେ ଆପତ୍ତି କରି ଆସୁଛନ୍ତି । ସେପଟେ ଏବେ ଥଇଥାନ ସମ୍ଭବ ନୁହେଁ ବୋଲି ଜିଲ୍ଲାପାଳ କହିଛନ୍ତି । ହେଲେ ଦୀର୍ଘଦିନ ଧରି ରହିଆସୁଥିବା ଏହି ପରିବାର ସେଠାରେ ରହିଆସୁଥିବା ବେଳେ ଥଇଥାନ ନକରି ଜିଲ୍ଲାପ୍ରଶାସନର ଏପରି ପଦକ୍ଷେପକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
