ସୁବର୍ଣ୍ଣପୁର: ଜିଲ୍ଲାରେ ପ୍ରବାସୀ ଶ୍ରମିକଙ୍କ ଅଚାନକ ମୃତ୍ୟୁ । ଏକ ବସ ଯୋଗେ ମୁମ୍ବାଇରୁ ସୁବର୍ଣ୍ଣପୁର ଦେଇ କୋଲକାତା ଯାଉଥିବା ଜଣେ ଶ୍ରମିକଙ୍କ ମୃତ୍ୟୁ ଘଟିଛି । ମୃତକ ଜଣକ କୋଲକତାର ହାୱଡା ଜିଲ୍ଲା ଖଜାପୁର ଗାଁ 38 ବର୍ଷୀୟ ଜମିସୁର ଇସଲାମ ବୋଲି ଜଣାପଡିଛି ।
ସୁବର୍ଣ୍ଣପୁରରେ କୋଲକାତା ପ୍ରବାସୀ ଶ୍ରମିକଙ୍କ ମୃତ୍ୟୁ
ମୁମ୍ବାଇ କୋଲକାତା ଯାଉଥିବା ସମୟରେ ଶ୍ରମିକମାନଙ୍କ ସ୍ନାନ ଶୌଚ ପାଇଁ ବସଟି ସୁବର୍ଣ୍ଣପୁର କଳାପଥର ନିକଟରେ ଅଟକି ରହିଥିଲା । ଏହି ସମୟରେ ଉକ୍ତ ବ୍ୟକ୍ତି ଜଣ ହଠାତ ଅସୁସ୍ଥ ଅନୁଭବ କରିଥିଲେ । ଏହା ପରେ ତାଙ୍କୁ ପୋଲିସ ପହଞ୍ଚି ତୁରନ୍ତ ଅସୁସ୍ଥ ବ୍ୟକ୍ତିଙ୍କୁ ହାତୀଶୀଳ ସ୍ବାସ୍ଥ୍ୟ ଶିବିରକୁ ଆଣିଥିଲେ । ଡାକ୍ତରୀଦଳ ହାତୀଶାଳ ପହଞ୍ଚି ଅସୁସ୍ଥ ବ୍ୟକ୍ତିଙ୍କ ଚିକିତ୍ସା କରିବା ପରେ ତାଙ୍କ ମୃତ୍ୟୁ ହୋଇଥିବା ଜଣାପଡିଛି । ସେପଟେ, ମହାମାରୀ କୋରୋନା ପାଇଁ ମୃତ ବ୍ୟକ୍ତିଙ୍କ ସ୍ବାବ ସଂଗ୍ରହ କରାଯାଇଛି । ଏହା ପରେ ଶବ ବ୍ୟବଚ୍ଛେଦ ପାଇଁ ବ୍ୟବସ୍ଥା କରାଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
