ସୁବର୍ଣ୍ଣପୁର: ଗତ ତିନିଦିନ ଧରି ସୁବର୍ଣ୍ଣପୁର ଜିଲ୍ଲାରେ ଲାଗି ରହିଛି ଅଦିନିଆ ବର୍ଷା । ମଝିରେ ମଝିରେ ଘଡଘଡି ବିଜୁଳି ସହ ପ୍ରବଳ ବର୍ଷା ହେଉଛି । ଫଳରେ ଜନଜୀବନ ଅସ୍ତବ୍ୟସ୍ତ ହୋଇ ପଡୁଥିବା ବେଳେ ସହରର ବିଭିନ୍ନ ସ୍ଥାନରେ ବିଦ୍ୟୁତ ସମସ୍ୟା ଦେଖା ଦେଇଛି । ତେବେ ଗୁରୁବାର ସଂଧ୍ୟାରେ ପ୍ରବଳ ବର୍ଷା ହେବାରୁ ଜନଜୀବନ ବ୍ୟାହତ ହୋଇଛି ।
ସୁବର୍ଣ୍ଣପୁରରେ ଅତ୍ୟଧିକ ବର୍ଷାରେ ବେହାଲ ଜନଜୀବନ
ସେହିପରି ସଂଧ୍ୟାରେ ବସୁଥିବା ଦୈନିକ ବଜାରର ବ୍ୟବସାୟୀ ମାନେ ବିକ୍ରିବଟା ବନ୍ଦ କରି ଦେଇଥିଲେ । ଏବେ ଜିଲ୍ଲାର ବିଭିନ୍ନ ସ୍ଥାନରେ ମୁଗ ଓ ବିରି ଆଦି ଡାଲିଜାତୀୟ ଶସ୍ୟ ଚାଷ ହୋଇଥିବାରୁ ବର୍ଷା ଚାଷକୁ କ୍ଷତିଗ୍ରସ୍ତ କରିଥିବା ନେଇ ଚିନ୍ତାରେ ଚାଷୀକୂଳ । ଏବେ ବର୍ଷା ଯୋଗୁଁ ପାଗ କୋହଲା ରହିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
