ସୁବର୍ଣ୍ଣପୁର: ସହରର ପଟାଭାଡିଠାରେ ଇଭିଏମ ଓ ଭିଭିପାଟକୁ ସୁରକ୍ଷିତ ରଖିବା ପାଇଁ ଗୋଦାମ ଗୃହର ଉଦଘାଟିତ ହୋଇଯାଇଛି । ଜିଲ୍ଲାପାଳ ମଧୂସୂଦନ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇ ଏହି ଗୋଦାମର ଆନୁଷ୍ଠାନିକ ଉଦଘାଟନ କରିଥିଲେ ।
2019 ଲୋକସଭା ଓ ରାଜ୍ୟ ବିଧାନସଭା ନିର୍ବାଚନର ଭୋଟ ଗଣତି ସରିବା ପରେ ଇଭିଏମ ଓ ଭିଭିପାଟ ମେସିନ ଗୁଡିକୁ ସୁରକ୍ଷାର ସହିତ ଗଚ୍ଛିତ ରଖିବା ପାଇଁ ଏହି ଗୋଦାମ ଗୃହଟି ନିର୍ମିତ ହୋଇଛି । ସୁରକ୍ଷା ଦୃଷ୍ଟିରୁ ଏହି ଗୋଦାମ ଗୃହଟିକୁ ଶୀତତାପ ନିୟନ୍ତ୍ରିତରେ ପରିଣତ କରାଯାଇଥିବାବେଳେ ଭିତରେ ଓ ବାହାରେ ପ୍ରାୟ 40ଟି ସିସିଟିଭି କ୍ୟାମେରା ଲଗାଯାଇଛି । ଏହା ବ୍ୟତୀତ କେନ୍ଦ୍ରରେ 16 ଜଣ ସଶସ୍ତ୍ର ସୁରକ୍ଷାକର୍ମୀଙ୍କୁ 24 ଘଣ୍ଟା ପ୍ରହର ଦେବା ପାଇଁ ନିୟୋଜିତ କରାଯାଇଛି ।
ପ୍ରାୟ 2 କୋଟି 2 ଲକ୍ଷ ଟଙ୍କା ବ୍ୟୟ ଅଟକଳରେ ତିଆରି ହୋଇଥିବା ଏହି କେନ୍ଦ୍ରରେ ପ୍ରଶାସନ ପକ୍ଷରୁ ସବୁ ପ୍ରକାରର ସୁରକ୍ଷା ପ୍ରଦାନ କରାଯାଇଛି । ଜିଲ୍ଲାର ଉଭୟ ବୀରମହାରାଜପୁର ଓ ସୋନପୁର ନିର୍ବାଚନର ଭୋଟ ଗଣତି ସରିବା ପରେ କଡା ସୁରକ୍ଷା ଭିତରେ ଭିଭିପାଟ ଓ ଇଭିଏମ ଗୁଡିକୁ ଏହି କେନ୍ଦ୍ରରେ ଗଚ୍ଛିତ ରଖାଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
