ସୁବର୍ଣ୍ଣପୁର: ସ୍ବଚ୍ଛ ପାଣି ଦାବିରେ ବିକ୍ଷୋଭ ପ୍ରଦର୍ଶନ । ଶୁକ୍ରବାର ସୁବର୍ଣ୍ଣପୁର ଜିଲ୍ଲା ତରଭା ବ୍ଳକର ବନ୍ଧକେଡା ଗ୍ରାମବାସୀ ସ୍ବଚ୍ଛ ପାଣି ଦାବିରେ ଗୋଷ୍ଠୀ ଉନ୍ନୟନ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଏକ ସ୍ମାରକପତ୍ର ପ୍ରଦାନ କରିଛନ୍ତି ।
ସୂଚନା ଅନୁଯାୟୀ, ଗ୍ରାମବାସୀ ପ୍ରତିଦିନ ପୋଖରୀ ପାଣି ବ୍ୟବହାର କରୁଥିବାବେଳେ ପୋଖରୀ ଠିକାଦାର ବିଭିନ୍ନ ଦ୍ରବ୍ୟ ପକାଇ ପାଣି ଦୂଷିତ କରୁଥିବା ଅଭିଯୋଗ ଗ୍ରାମବାସୀ ଅଭିଯୋଗ କରିଛନ୍ତି । ଗ୍ରାମ ପଞ୍ଚାୟତ ତରଫରୁ ପୋଖରୀକୁ ମାଛ ଚାଷ କରିବା ପାଇଁ ଠିକା ଦିଆଯାଇଛି । ଠିକାଦାର ପୋଖରୀରେ ମାଛ ଚାଷ କରିଥିବା ବେଳେ ମାଛ ଖାଦ୍ୟ ଭାବରେ ଗୋବର, କୁକୁଡା ମଳ ଓ ରାସାୟନିକ ସାର ଆଦି ବ୍ୟାପକ ପରିମାଣରେ ବ୍ୟବହାର କରୁଛନ୍ତି ।
ଫଳରେ ପାଣି ଦୁର୍ଗନ୍ଧ ହେଉଥିବା ବେଳେ ଗାଧୋଇବା ଦ୍ବାରା କାଛୁ କୁଣ୍ଡିଆ ହେଉଥିବା ଗାଁ ଲୋକେ ଅଭିଯୋଗ କରିଛନ୍ତି । ଏବେଠୁ ପୋଖରୀ ନିଲାମ ବନ୍ଦ କରା ନଗଲେ ଗାଁରେ ପାନୀୟ ଓ ବ୍ୟବହାରିକ ଜଳର ଉତ୍କଟ ଅଭାବ ହେବ ବୋଲି ଗାଁ ଲୋକେ କହିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ