ସୁବର୍ଣ୍ଣପୁର: ସହରରେ ଆଜି 12 ଘଣ୍ଟିଆ ବନ୍ଦ ପାଳନ କରାଯାଉଛି। ଭୀମ ଆର୍ମୀ ଭାରତ ଏକତା ମିଶନ, ବହୁଜନ ମୁକ୍ତି ମୋର୍ଚ୍ଚା ,ଏସସି ,ଏସଟି ,ଓବିସି ଏକତା ମଞ୍ଚ ପକ୍ଷରୁ ଆଜି ଏହି ବନ୍ଦ ଡାକରା ଦିଆଯାଇଛି । ସିଏଏ ,ଏନଆରସି ଓ ଉଚ୍ଚତମ ନ୍ୟାୟାଳୟ ସଂରକ୍ଷଣ ଉପରେ ଦେଇଥିବା ଟିପ୍ପଣୀ ପ୍ରତିବାଦରେ ଏହି ବନ୍ଦ ପାଳନ କରାଯାଇଛି।
ସୁବର୍ଣ୍ଣପୁର ବନ୍ଦ ଡାକରା
ସହରରେ ଦୋକାନ ବଜାର,ବ୍ୟବସାୟିକ ପ୍ରତିଷ୍ଠାନ ସବୁ ବନ୍ଦ ରହିଥିବା ବେଳେ ଗାଡିମୋଟର ଚଳାଚଳ ବି ବନ୍ଦ ରହିଛି । ସହରର ବିଭିନ୍ନ ଛକରେ ଭୀମ ଆର୍ମୀ କର୍ମୀମାନେ ରାସ୍ତା ଅବରୋଧ କରିଛନ୍ତି। ଆପ୍ରୀତିକର ପରିସ୍ଥିତିକୁ ଏଡେଇବା ପାଇଁ ଗୁରୁତ୍ୱପୁର୍ଣ୍ଣ ଛକ ଗୁଡ଼ିକରେ ବ୍ୟାପକ ପୋଲିସ ମୁତୟନ କରାଯାଇଛି। ଏଯାଏଁ ବନ୍ଦ ଶାନ୍ତିପୂର୍ଣ୍ଣ ରହିଛି।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ
