ସୁବର୍ଣ୍ଣପୁର: ଖରା, ବର୍ଷା ହେଉ କି ଶୀତ ସହରକୁ ପରିଷ୍କାର ପରିଚ୍ଛନ ରଖିବାରେ ସଫେଇ କର୍ମଚାରୀଙ୍କ ଅବଦାନ ଗୁରୁତ୍ବପୂର୍ଣ୍ଣ । ଲକ ଡାଉନର ଏପରି ପରିସ୍ଥିତିରେ ସଫେଇ କର୍ମଚାରୀଙ୍କୁ ସହଯୋଗର ହାତ ବଢାଇଛନ୍ତି ସୁବର୍ଣ୍ଣପୁର ଜିଲ୍ଲା ତରଭା ସହରର 2ଜଣ ସ୍ବେଚ୍ଛାସେବୀ ।
ସଫେଇ କର୍ମଚାରୀଙ୍କୁ 2 ସେଚ୍ଛାସେବୀଙ୍କ ସମ୍ବର୍ଦ୍ଧନା
ଏହି ଦୁଇ ସ୍ବେଚ୍ଛାସେବୀ ମାଙ୍ଗେଲାଲ ଓ ବିକାଶ ଅଗ୍ରୱାଲ ବିଜ୍ଞାପିତ ଅଞ୍ଚଳର ସମସ୍ତ ସଫେଇ କର୍ମଚାରୀଙ୍କୁ ରାସନ ପ୍ରଦାନ କରିଛନ୍ତି । ଏହି ରାସନ ବ୍ୟାଗରେ ଅଟା, ଖାଇବା ତେଲ, ମସଲା, ଡାଲି, ଚିନି, ବେସନ ଆଦି ଖାଦ୍ୟ ପଦାର୍ଥ ଦେଇ କର୍ମଚାରୀଙ୍କୁ ଧନ୍ୟବାଦ ଜଣାଇଛନ୍ତି । ଏହା ସହ ସେମାନେ ସଫେଇ କର୍ମଚାରୀଙ୍କ ସପକ୍ଷରେ ଅର୍ଥନୈତିକ ବିକାଶ ପାଇଁ ସ୍ବର ଉତ୍ତୋଳନ କରିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
