ସମ୍ବଲପୁର : ସକାଳ ହେଉ କି ଦ୍ୱିପ୍ରହର ରାସ୍ତା ଉପରେ ହାତୀ ବିଚରଣ କରୁଥିବା ଦେଖିବାକୁ ମିଳୁଛି । ହେଲେ ବନ ବିଭାଗର କର୍ମଚାରୀଙ୍କ ଦେଖା ମିଳୁନାହିଁ । ଯାହାକୁ ନେଇ ସାଧାରଣରେ ଅସନ୍ତାେଷ ପ୍ରକାଶ ପାଉଛି । ତେବେ ଜୀବନ ବଞ୍ଚାଇବା ପାଇଁ ଗାଁ ଲୋକ ବଣୁଆ ହାତୀଙ୍କୁ ଘଉଡେଇବାକୁ ଚେଷ୍ଟା କରୁଛନ୍ତି ।
ସମ୍ବଲପୁରରେ ବଣୁଆ ହାତୀଙ୍କ ଆତଙ୍କ
ସମ୍ବଲପୁର ଜିଲ୍ଲାର କୁକୁଡ଼ାପାଲି, ତବଲା, ବହିଦାରକଣ୍ଟା, ଗୁଡ଼େସିଙ୍ଗା, ସିକରାପାଲି,ଗିରିପାଲି, ଡୁମେରପାଲି ଆଦି ଗାଁ ଭିତରକୁ ଦିନ ବେଳା ବଣୁଆ ହାତୀପଲ ଆସି ଧାନ ଫସଲ ପ୍ରତ୍ୟେକ ଦିନ ନଷ୍ଟ କରିଦେଉଥିବା ଅଭିଯୋଗ ହୋଇଛି । ଏ ସମ୍ପର୍କରେ ବନବିଭାଗ କର୍ମଚାରୀମାନେ ଅବଗତ ଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନେଉ ନାହାଁନ୍ତି ବୋଲି ସ୍ଥାନୀୟ ଲୋକ ଅଭିଯୋଗ କରିଛନ୍ତି । ଅନ୍ୟପଟେ ହାତୀ ଘଉଡେଇବା ପରିବର୍ତ୍ତେ ପଡିଆବହାଲ ଓ ସଦର ରେଞ୍ଜ ବନବିଭାଗର କର୍ମଚାରୀ ପରସ୍ପର ଉପରେ ଦୋଷ ଲଦୁଥିବା ଅଭିଯୋଗ ହୋଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
