ସମ୍ବଲପୁର: ଆସନ୍ତା 27ରୁ ସମ୍ବଲପୁରରେ 19 ବର୍ଷରୁ କମ କୁଚ ବିହାର ଟ୍ରଫିର ଏକ ମ୍ୟାଚ ଖେଳାଯିବ । ଭିଏସଏସ ଷ୍ଟାଡିୟମରେ ଖେଳାଯିବାକୁ ଥିବା ଏହି ମ୍ୟାଚରେ ଓଡିଶା ଓ ସୌରାଷ୍ଟ୍ର ମୁହାଁମୁହିଁ ହେବେ । ଏଥିପାଇଁ ପ୍ରସ୍ତୁତି ସରିଥିବା ନେଇ ଆୟୋଜକଙ୍କ ତରଫରୁ ସାମ୍ବାଦିକ ସମ୍ମିଳନୀରେ କୁହାଯାଇଛି।
ସମ୍ବଲପୁରରେ 19 ବର୍ଷରୁ କମ କୁଚବିହାର ଟ୍ରଫି ମ୍ୟାଚ
ଆଜି ଅପରାହ୍ନରେ ସୌରାଷ୍ଟ୍ର ଓ ଓଡିଶା ଟିମ ସମ୍ବଲପୁରରେ ପହଞ୍ଚିବ। ଏହାପରେ ସେମାନଙ୍କ ରହିବା ପାଇଁ ହୋଟେଲ ନିକି ଓ ହରଜିତ ରେସିଡେନ୍ସିରେ ବ୍ୟବସ୍ଥା କରାଯାଇଛି। ସେହିପରି ମ୍ୟାଚ ପାଇଁ ପିଚ ଓ ପଡିଆ କାମ ଜୋରସୋରରେ ଚାଲିଥିବା ଆୟୋଜକ ପ୍ରକାଶ କରିଛନ୍ତି । ଦିନରେ ମ୍ୟାଚ ହେଉଥିଲେ ମଧ୍ୟ ଷ୍ଟାଡିୟମରେ ଫ୍ଲଡ଼ ଲାଇଟର ବ୍ୟବସ୍ଥା କରାଯାଇଥିବା ଆୟୋଜକ ସୂଚନା ଦେଇଛନ୍ତି । ଏହି ମ୍ୟାଚ 30 ତାରିଖ ପର୍ଯ୍ୟନ୍ତ ଖେଳାଯିବ ।
ସମ୍ବଲପୁରରୁ ବାଦଶାହା ଜୁଷ୍ମନ ରଣା, ଇଟିଭି ଭାରତ
