ସମ୍ବଲପୁର: ରେଢ଼ାଖୋଲ ଉପଖଣ୍ଡ ଅଞ୍ଚଳରେ ଭାଲୁ ଆକ୍ରମଣରେ ଦୁଇ ମୃତ । ରେଢ଼ାଖୋଲ ଉପଖଣ୍ଡ ବଡ଼ବାହାଲ ରେଞ୍ଜ ଟାଲ ଗାଁରେ ଘଟିଛି ଏଭଳି ଘଟଣା । ରଜ ଅବସରରେ ମହୁ ଖାଇବାର ପରମ୍ପରା ରହିଥିବା ବେଳେ ରବିବାର ଏହି ଗାଁ 5 ଜଣ ମହୁ ଆଣିବାକୁ ନିକଟସ୍ଥ ଜଙ୍ଗଲକୁ ଯାଇଥିଲେ । ତେବେ ସେମାନେ ହଠାତ ଭାଲୁ ହବୁଡ଼ରେ ପଡିଯାଇଥିଲେ ବୋଲି ରେଢ଼ାଖୋଲ ଡିଫଓ ସଂଗ୍ରାମ କେଶରୀ ବେହେରା କହିଛନ୍ତି ।
ତେବେ ଭାଲୁ ଆକ୍ରମଣରେ ଦୁଇ ବ୍ୟକ୍ତିଙ୍କ ମୃତ୍ୟୁ ହୋଇଥିବା ଡିଏଫଓ କହିଛନ୍ତି । ମୃତ ଦୁଇ ବ୍ୟକ୍ତି ହେଲେ ଚେରୁ ମୁଣ୍ଡା ଓ କୃଷ୍ଣ ମୁଣ୍ଡା । ତେବେ ଭାଲୁ ଏବେବି ଆଖ ପାଖରେ ଥିବାରୁ ବର୍ତ୍ତମାନ ବନ ବିଭାଗ ଭାଲୁକୁ ଘଉଡ଼ାଇ ବାକୁ ଉଦ୍ୟମ କରୁଛି । ଅନ୍ୟପଟେ ଜଣେ ବ୍ୟକ୍ତି ଗୁରୁତର ଆହତ ହୋଇ ରେଢ଼ାଖୋଲ ସରକାରୀ ହସ୍ପିଟାଲରେ ଭର୍ତ୍ତି ହୋଇଥିବାର ସୂଚନା ମିଳିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
