ସମ୍ବଲପୁର: ରାଜ୍ୟ ସରକାରଙ୍କ ଛାତ୍ର ସଂସଦ ନିର୍ବାଚନ ବାତିଲ ନିଷ୍ପତିକୁ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ବିରୋଧ । ଗଙ୍ଗାଧର ମେହେର ବିଶ୍ବ ବିଦ୍ୟାଳୟର ମୁଖ୍ୟ ଫାଟକ ସମ୍ମୁଖରେ ସମ୍ବଲପୁର ଏବିଭିପି ଶାଖାର ସଦସ୍ୟ ମାନେ ବିରୋଧ ପ୍ରଦର୍ଶନ କରିଛନ୍ତି । ରାଜ୍ୟ ସରକାରଙ୍କ ଏହି ନିଷ୍ପତ୍ତି ବିରୋଧରେ ନାରାବାଜି ମଧ୍ୟ କରିଛନ୍ତି।
ଚଳିତ ବର୍ଷ ଛାତ୍ର ସଂସଦ ନିର୍ବାଚନକୁ ବାତିଲ କରିଛନ୍ତି ରାଜ୍ୟ ସରକାର । ଗତକାଲି ଏପରି ନିଷ୍ପତି ନେଇଥିଲା ଉଚ୍ଚଶିକ୍ଷା ବିଭାଗ । ମହାବିଦ୍ୟାଳୟ ଏବଂ ବିଶ୍ବବିଦ୍ୟାଳୟରେ ଇଲେକ୍ସନ ପରିବର୍ତ୍ତେ ସିଲେକ୍ସନ କରିବାକୁ ପଦକ୍ଷେପ ନେଇଛି ବିଭାଗ । ଫଳରେ ଛାତ୍ର ସଂଗଠନ ଏପରି ନିଷ୍ପତ୍ତିକୁ ବିରୋଧ କରିବାସହ ଗଙ୍ଗାଧର ମେହେର ବିଶ୍ବବିଦ୍ୟାଳୟ ସମ୍ମୁଖରେ ଉଚ୍ଚଶିକ୍ଷା ସଚିବ ଓ ରାଜ୍ୟ ସରକାରଙ୍କ ବିରୋଧରେ ବିଭିନ୍ନ ନାରାବାଜି ଦେଇଛନ୍ତି ଏହି ଛାତ୍ର ସଂଗଠନ ।
ବିକ୍ଷୋଭ ସମୟରେ ଲଗାଣ ବର୍ଷା ହୋଇଥିବା ସତ୍ବେ ଆନ୍ଦୋଳନ ଜାରି ରଖିଥିଲେ ସଂଗଠନର ସଦସ୍ୟ । ପ୍ରବଳ ବର୍ଷାରେ ଓଦା ହୋଇ ରାଜ୍ୟ ସରକାରଙ୍କ ବିରୋଧରେ ନାରା ଦେଇଥିଲେ ବିଦ୍ୟାର୍ଥୀ ପରିଷଦର ଛାତ୍ରଛାତ୍ରୀ । ଏହି ନିଷ୍ପତ୍ତି ନେଇ ରାଜ୍ୟ ସରକାର ଛାତ୍ରଛାତ୍ରୀ ଙ୍କ ନେତା ବାଛିବାର ଅଧିକାର କ୍ଷୁର୍ଣ୍ଣ କରିଥିବାର ଅଭିଯୋଗ ଆଣିଛି ଏବିଭିପି।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
