ସମ୍ବଲପୁର: ସାରା ରାଜ୍ୟରେ କୋରୋନା ଆତଙ୍କ ଆକ୍ରାମକ ରୂପ ଧାରଣ କରିଥିବା ବେଳେ ଏହାର ପ୍ରକୋପରୁ ବାଦ ପଡିନି ବୁର୍ଲା ଭିମସାର ମେଡିକାଲ । ସେପଟେ ମେଡିକାଲ ପରିସରରେ କୋରୋନା ସଂକ୍ରମିତ ଚିହ୍ନଟ ହେବା ପରେ କିଛି ଗୁରୁଚତ୍ବପୂର୍ଣ୍ଣ ପଦକ୍ଷେପ ଗ୍ରହଣ କରିଛନ୍ତି ମେଡିକାଲ କର୍ତ୍ତୃପକ୍ଷ । ଫଳରେ ଆସନ୍ତା 15ରୁ 19 ତାରିଖ ପର୍ଯ୍ୟନ୍ତ ବୁର୍ଲା ମେଡିକାଲରେ କଟକଣା ଲାଗିଥିବା ଘୋଷଣା କରାଯାଇଛି ।
ଏହି ଘୋଷଣା ଅନୁଯାୟୀ କଟକଣା ଅବଧି ମଧ୍ୟରେ କେବଳ କ୍ୟାଜୁଆଲିଟି ଓ ଏମର୍ଜେନ୍ସି ସର୍ଜରୀ ସେବା ଜାରି ରହିବ । ରେଫରାଲ ଓ ଏମର୍ଜେନ୍ସି ରୋଗୀଙ୍କୁ ଏହି ସମୟ ମଧ୍ୟରେ କେବଳ ମେଡିକାଲରେ ଭର୍ତ୍ତି କରିବାକୁ ଅନୁମତି ମିଳିବ । ତେବେ କଟକଣା ଅବଧି ମଧ୍ୟରେ ମେଡିକାଲ ପରିସରକୁ ଅଗ୍ନିଶମ ବିଭାଗ ପକ୍ଷର ସମ୍ପୂର୍ଣ୍ଣ ସାନିଟାଇଜ କରାଯିବାର ଯୋଜନା ରହିଛି ।
ଏଥିସହ ଏହି ଅବଧି ମଧ୍ୟରେ ମେଡିକାଲରେ ଚିକିତ୍ସାଧିନ ରୋଗୀଙ୍କ ସହ କେବଳ ଜଣେ ଆଟେଣ୍ଡାଣ୍ଟ ରହିପାରିବା ପାଇଁ ଅନୁ୍ମତି ରହିଛି । ବୁର୍ଲା ମେଡିକାଲରେ କାର୍ଯ୍ୟରତ ପ୍ରତ୍ୟେକ ଅଧିକାରୀ, କର୍ମଚାରୀ ଓ ରୋଗୀ ଏହି ସମୟ ମଧ୍ୟରେ ମାସ୍କ ପିନ୍ଧିବାକୁ ବାଧ୍ୟ ବୋଲି ନିର୍ଦ୍ଦେଶ ରହିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
