ସମ୍ବଲପୁର: ରାଜ୍ୟରେ ଅବସ୍ଥିତ ଅନ୍ୟ ଏକ ପ୍ରମୁଖ କେନ୍ଦ୍ରୀୟ ଶିକ୍ଷାନୁଷ୍ଠାନ ସମ୍ବଲପୁରର ଆଇଆଇଏମକୁ ମିଳିଲା ଆଉ ଏକ ସଫଳତା। ଆଜି ଆଇଆଇଏମ ସମ୍ବଲପୁର ଓ ଭାରତୀୟ କମ୍ପାନୀ ସଚିବ ସଂସ୍ଥାନ ବା ଆଇସିଏସଆଇ ମଧ୍ୟରେ ଏକ ଏମଓୟୁ ସ୍ବାକ୍ଷରିତ ହୋଇଛି। ଚୁକ୍ତି ଅନୁସାରେ ପ୍ରତ୍ୟେକ ବର୍ଷ ଆଇଆଇଏମ ସମ୍ବଲପୁରର 2 ବର୍ଷିଆ ପିଜିଡିଏମ ପାଠ୍ୟକ୍ରମର ଟପର ଛାତ୍ରଛାତ୍ରୀଙ୍କୁ ଆଇସିଏସଆଇ ନୂଆଦିଲ୍ଲୀ ଦ୍ବାରା ସିଗନେଚର ଆୱାର୍ଡ ପ୍ରଦାନ କରାଯିବ।
ସବୁ ବର୍ଷ ହେଉଥିବା ସମାଵର୍ତ୍ତନ ଉତ୍ସବରେ ଏହି ଆୱାର୍ଡ ସହ ସାର୍ଟିଫିକେଟ ଦିଆଯିବ। ଏହା ସହ ପ୍ରତ୍ୟେକ ବର୍ଷ ପ୍ରଥମରୁ ତୃତୀୟ ଅଧିକାର କରୁଥିବା ଛାତ୍ରଛାତ୍ରୀଙ୍କ ପାଇଁ ଆଇସିଏସଆଇର ଏଜିକ୍ୟୁଟିଭ ପ୍ରୋଗ୍ରାମ ରେଜିଷ୍ଟ୍ରେସନ ଦେୟ ମୁକ୍ତ କରାଯିବ।
ଆଜିର ଏହି ବୁଝାମଣାପତ୍ର ସ୍ଵାକ୍ଷର କାର୍ଯ୍ୟକ୍ରମରେ ସମ୍ବଲପୁର ଆଇଆଇଏମର ନିର୍ଦେଶକ ମହାଦେବ ପ୍ରସାଦ ଜୟସ୍ବାଲ, ଆଇସିଏସଆଇର ନିର୍ଦେଶକ ଏସକେ ଜେନାଙ୍କ ସହ ଆଇଆଇଏମର ଛାତ୍ରଛାତ୍ରୀ ଉପସ୍ଥିତ ଥିଲେ।
ସମ୍ବଲପୁରରୁ ବାଦଶାହା ଜୁଷ୍ମନ ରଣା, ଇଟିଭି ଭାରତ
