ସମ୍ବଲପୁର: କିସୀଣ୍ଡା ଥାନା ଅଞ୍ଚଳରେ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ ଜଣେ ଯୁବକଙ୍କୁ ଗିରଫ କରାଯାଇଛି । ଅଭିଯୁକ୍ତ ଯୁବକଙ୍କ ଠାରୁ 52 କେଜି ଗଞ୍ଜେଇ ସହ 97,500 ନଗଦ ଟଙ୍କା ଜବତ ହୋଇଛି ।
ଗୁରୁବାର କିସିଣ୍ଡା ଥାନା ସମ୍ମୁଖରୁ ଚୋରାଚାଲାଣ ବେଳେ ମାରୁତି ସୁଇଫ୍ଟ ଡ଼ିଜାୟାର ସହ ଜଣେ ଯୁବକ ଗିରଫ ହୋଇଛନ୍ତି । ଗିରଫ ଯୁବକଙ୍କ କାରରୁ 52 କେଜି ଗଞ୍ଜେଇ ସହିତ 97,500 ଟଙ୍କା ଜବତ ହୋଇଛି । ବୌଦ୍ଧ ଜିଲ୍ଲାରୁ ଅନୁଗୋଳ ଜିଲ୍ଲାକୁ କିସିଣ୍ଡା ରାସ୍ତା ଦେଇଯିବା ସମୟରେ ପୋଲିସ କୌଣସି ସୂତ୍ରରୁ ଖବରପାଇ ଯୁବକକୁ ଗିରଫ କରିଛି । ଅଭିଯୁକ୍ତ ଯୁବକ ଦେବଗଡ ଜିଲ୍ଲାର କୁଣ୍ଢେଇଗୋଳା ଅଞ୍ଚଳର ବୋଲି ଜଣାପଡିଛି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
