ସମ୍ବଲପୁର: ଅଜଣା ଗାଡି ଧକ୍କାରେ ବାପ ଝିଅ ମୃତ । ସମ୍ବଲପୁର 55 ନମ୍ବର ଜାତୀୟ ରାଜପଥ ଜୁଜମୁରା ନିକଟରେ ଏକ ଅଜଣା ଗାଡି ଧକ୍କାରେ ବାପ ଝିଅଙ୍କ ମୃତ୍ୟୁ ଘଟିଛି । ମୃତକ ଦୁଇଜଣ ହେଲେ ଲିପିଣ୍ଡା ଗ୍ରାମର ବିଜୟ ପ୍ରଧାନ ଓ ତାଙ୍କ ଝିଅ ରିତା ପ୍ରଧାନ (27) |
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ମିଳିଥିବା ସୂଚନା ଆଧାରରେ, ଆଜି ସକାଳେ ମୃତକ ବିଜୟ ପ୍ରଧାନ ଏକ ମୋଟର ସାଇକେଲ ଯୋଗେ ଅବିବାହିତ ଝିଅ ରିତାକୁ ସମ୍ବଲପୁର ମୁଖ୍ୟ ଡାକ୍ତରଖାନା ଚିକିତ୍ସା ପାଇଁ ଆଣିଥିଲେ । କାମ ସାରି ଫେରିବା ବାଟରେ ଏକ ଅଜଣା ଗାଡି ତାଙ୍କୁ ଗୋପାଳ ଢ଼ାବା ଠାରେ ଧକ୍କା ଦେଇଥିଲା ।
ଫଳରେ ଘଟଣାସ୍ଥଳରେ ବାପ ଝିଅଙ୍କର ମୃତ୍ୟୁ ଘଟିଥିଲା । ପରେ ପୋଲିସ ଖବର ପାଇ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଥିବା ସହ ଦୁର୍ଘଟଣାଗ୍ରସ୍ତ ମୋଟର ସାଇକେଲକୁ ଉଦ୍ଧାର କରି ତଦନ୍ତ ଜାରି ରଖିଛି ।
ସମ୍ବଲପୁରରୁ ବାଦଶାହା ଜୁସ୍ମନ ରାଣା, ଇଟିଭି ଭାରତ
