ସମ୍ବଲପୁର: ବିଳମ୍ବରେ ଧାନ କିଣୁଛି ପ୍ରଶାସନ । ଚଳିତ ଖରିଫ ଋତୁ ପାଇଁ ଆସନ୍ତା ନଭେମ୍ବର 25 ରୁ ଧାନ ସଂଗ୍ରହ ପାଇଁ ଜିଲ୍ଲା ପ୍ରଶାସନ ନିଷ୍ପତି ନେଇଯାଇଛି । ଏହି ନଷ୍ପତ୍ତିକୁ ନେଇ ଚାଷୀ ସଙ୍ଗଠନ ଅସନ୍ତୋଷ ପ୍ରକାଶ କରିବା ସହ ମିଲରଙ୍କ ସୁବିଧା ପାଇଁ ପ୍ରଶାସନ ବିଳମ୍ବରେ ଧାନ କିଣୁଥିବା ଅଭିଯୋଗ କରିଛି ।
ସଙ୍ଗଠନ ଅଭିଯୋଗ କରିଛି ଯେ, ମିଲରଙ୍କ ସୁବିଧା ପାଇଁ ଜିଲ୍ଳା ପ୍ରଶାସନ ବିଳମ୍ବରେ ଧାନ ସଂଗ୍ରହ ଆରମ୍ଭ କରୁଛି । ଏହା ଦ୍ୱାରା ମିଲରମାନେ ଚାଷୀଙ୍କ ବାଧ୍ୟବାଧକତାର ଫାଇଦା ନେଇ ସରକାରୀ ମୂଲ୍ୟରୁ କମ ଦାମରେ ଧାନ କିଣି ଚଢା ଦରରେ ରାଜ୍ୟ ବାହାରର ବ୍ୟବସାୟୀଙ୍କୁ ବିକ୍ରି କରିବେ ।
ଏହା ମଧ୍ୟ ପଢନ୍ତୁ: T20 World Cup: କଟକରେ କ୍ରିକେଟ କ୍ରେଜ୍, ଭାରତ ଟ୍ରଫି ଜିତିବ କହିଲେ ଫ୍ୟାନ୍ସ
ମିଲରଙ୍କ ସୁବିଧା ପାଇଁ ଜିଲ୍ଲା ପ୍ରଶାସନ ଜାଣି ଶୁଣି ବିଳମ୍ବରେ ଧାନ ସଂଗ୍ରହ ଆରମ୍ଭ କରୁଛି । ପ୍ରତ୍ୟେକ ବର୍ଷ ସମ୍ବଲପୁର ଜିଲ୍ଲାରେ ନଭେମ୍ବର ପ୍ରଥମ ସପ୍ତାହରେ ଧାନ ସଂଗ୍ରହ ହେଇଥିବା ବେଳେ ଚଳିତ ବର୍ଷ ନଭେମ୍ବର 25ରେ ଧାନ ସଂଗ୍ରହ ପାଇଁ ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି । ଏହା ଦ୍ୱାରା ଚାଷୀ ନିଜର ଲେବର ପେମେଣ୍ଟ ତଥା ଅନ୍ୟାନ୍ୟ ଖର୍ଚ୍ଚର କରଜ ଶୁଝିବା ପାଇଁ ଅନେକ ଅସୁବିଧାର ସମ୍ମୁଖୀନ ହେବେ । ଶେଷରେ ଅନ୍ୟ କୌଣସି ଉପାୟ ନପାଇ ଚାଷୀ ବାଧ୍ୟ ହୋଇ ମିଲରମାନଙ୍କୁ ସରକାରୀ ଧାର୍ଯ୍ୟ ମୂଲ୍ୟରୁ କମ ଦରରେ ଧାନ ବିକ୍ରି କରିବେ ବୋଲି ସଙ୍ଗଠନ ଅଭିଯୋଗ କରିଛି ।
