ସମ୍ବଲପୁର: ଜିଲ୍ଲାର 4 ଟି ବିଧାନସଭା ନିର୍ବାଚନ ମଣ୍ଡଳୀ ପାଇଁ ଦାୟିତ୍ବ ପାଇଥିବା ଏକ୍ସପେଣ୍ଡିଚର ଅବଜର୍ଭର ସୁନୀଲ କୁମାର ଆଜି ସମ୍ବଲପୁରରେ ପହଞ୍ଚିଛନ୍ତି । ସମ୍ବଲପୁର ଡିଆରଡିଏ ର ସମ୍ମିଳନୀ କକ୍ଷରେ ବିଭିନ୍ନ ରାଜନୈତିକ ଦଳର ପ୍ରତିନିଧିଙ୍କ ସହ ନିର୍ବାଚନ ଖର୍ଚ୍ଚକୁ ନେଇ ସେ ଏକ ବୈଠକରେ ଆଲୋଚନା କରିଛନ୍ତି।
ଭିଡିଓ ସୌଜନ୍ୟ- ସମ୍ବାଦଦାତା, ସମ୍ବଲପୁର
ସମ୍ବଲପୁର ଉପଜିଲ୍ଲାପାଳ ପ୍ରଦୀପ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଆଲୋଚନାଚକ୍ରରେ ସମସ୍ତ ରାଜନୈତିକ ଦଳର ପ୍ରତିନିଧିଙ୍କ ସହ ସ୍ବାଧୀନ ପ୍ରାର୍ଥୀଙ୍କ ପ୍ରତିନିଧିମାନେ ଯୋଗ ଦେଇଥିଲେ । ନିର୍ବାଚନ ସମୟରେ ଟଙ୍କା ପଇସା କାରବାର ଚେକ୍ ମାଧ୍ୟମରେ କରିବା ପାଇଁ ଏହି ବୈଠକରେ ସବୁ ଦଳଙ୍କୁ କୁହାଯାଇଥିଲା । ପ୍ରଥମେ ସେମାନେ ତାଙ୍କ ଆକାଉଣ୍ଟରେ ଟଙ୍କା ଡିପୋଜିଟ କରନ୍ତୁ, ତା ପରେ ସେହି ଆକାଉଣ୍ଟ ମାଧ୍ୟମରେ ଖର୍ଚ୍ଚ କରନ୍ତୁ ବୋଲି ସମସ୍ତଙ୍କୁ ସୂଚନା ଦିଆଯାଇଥିଲା।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
