ସମ୍ବଲପୁର: ବୁର୍ଲା ଥାନା ଅଞ୍ଚଳରେ ଜଣେ ଟ୍ରକ ଡ୍ରାଇଭରଙ୍କୁ ଅପହରଣ ଓ ଡକାୟତି ମାମଲାରେ ପୋଲିସକୁ ମିଳିଛି ସଫଳତା। ଅପହୃତ ଟ୍ରକ ଡ୍ରାଇଭରକୁ ସୁରକ୍ଷିତ ଭାବେ ଉଦ୍ଧାର କରାଯିବା ସହ ଟ୍ରକ ମଧ୍ୟ ପୋଲିସ ଉଦ୍ଧାର କରିଛି । ଏନେଇ ସୂଚନା ଦେଇଛନ୍ତି ସମ୍ବଲପୁର ଏସପି ବାତୁଲା ଗଙ୍ଗାଧର ।
ଗତ 10 ତାରିଖ ବୁର୍ଲା ଥାନା ଅଞ୍ଚଳରୁ ଅଜିତ କୁମାର ସାହୁ ନାମକ ଜଣେ ଡ୍ରାଇଭରଙ୍କୁ 5 ଜଣ ଦୁର୍ବୃତ୍ତ ଏକ ଅଲ୍ଟୋକାରରେ ଆସି ଅପହରଣ କରିବା ସହ ଟ୍ରକକୁ ମଧ୍ୟ ନେଇ ଯାଇଥିଲେ। ଏହି ଅଭିଯୋଗ ମିଳିବା ପରେ ସମ୍ବଲପୁର ଏସପିଙ୍କ ନେତୃତ୍ବରେ 2 ଟି ସ୍ପେଶାଲ ଟିମ୍ ଗଠନ ହୋଇଥିଲା।
ଟ୍ରକ ସହ ଡ୍ରାଇଭର ଅପହରଣ, ଉଦ୍ଧାର କଲା ପୋଲିସ
ଚୋରି ହୋଇଥିବା ଟ୍ରକ ସୁନ୍ଦରଗଡ ଜିଲ୍ଲା ଅଞ୍ଚଳରୁ ଉଦ୍ଧାର ହୋଇଥିଲା । ତେବେ ଅପହରଣକର୍ତ୍ତାମାନେ ଫେରାର ଥିବା ବେଳେ ପୋଲିସ ସେମାନଙ୍କୁ ଧରିବାକୁ ଉଦ୍ୟମ ଜାରି ରଖିଥିବା ଏସପି ସୂଚନା ଦେଇଛନ୍ତି।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
