ସମ୍ବଲପୁର: ଯୁଜୁମୁରା ବ୍ଳକର ପଦାପାଣି ୟୁପି ସ୍କୁଲରେ ଜାତୀୟ ପତାକାକୁ ଅସମ୍ମାନ କରାଯାଇଥିବା ଅଭିଯୋଗ ହୋଇଛି । ସାଧାରଣତନ୍ତ୍ର ଦିବସ ପାଳନ କରାଯିବା ପରେ ରାତି ସାରା ପତାକା ଉଡୁଥିବାର ଦେଖିବାକୁ ମିଳିଛି । ଏହାର ପରଦିନ ସକାଳେ କେହି ଏହାର ଭିଡିଓ ଉତ୍ତୋଳନ କରିବା ସହ ଭାଇରାଲ କରିଛନ୍ତି । ଜୁଜୁମୁରା ବ୍ଳକ ଶିକ୍ଷା ଅଧିକାରୀ ଏ ସଂପର୍କରେ କିଛି ଜାଣି ନଥିବା ସୂଚନା ଦେଇଛନ୍ତି ।
ନିୟମ ଅନୁଯାୟୀ, ସାଧାରଣତନ୍ତ୍ର ଦିବସ ପାଳନ ପରେ ସନ୍ଧ୍ୟା ପୂର୍ବରୁ ଜାତୀୟ ପତାକାକୁ ସମ୍ମାନ ସହକାରେ ଖୋଲିବା କଥା । କିନ୍ତୁ ତେବେ ପଦାପାଣି ୟୁପି ସ୍କୁଲ କର୍ତ୍ତୃପକ୍ଷଙ୍କ ଅବହେଳା କାରଣରୁ ଏହାକୁ ଖୋଲିଖୋଲି ଉଲ୍ଲଙ୍ଘନ କରାଯାଇଛି । ଭିଡିଓଟି ଭାଇରାଲ ହେବା ପରେ ଗ୍ରାମବାସୀମାନ ଜାତୀୟ ପତାକାକୁ ଖୋଲିଥିବା ଜଣାପଡିଛି ।
ତେବେ ଏହି ଘଟଣାରେ ସଂପୃକ୍ତ ବିଦ୍ୟାଳୟର କର୍ମଚାରୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି କରାଯାଇଛି । ତେବେ ସୋସିଆଲ ମିଡିଆରେ ଭାଇରାଲ ଭିଡିଓର ସତ୍ୟତା କେତେ ଜଣାପଡିନାହିଁ ।
ସମ୍ବଲପୁରରୁ ବାଦଶାହା ଜୁଷ୍ମନ ରଣା, ଇଟିଭି ଭାରତ
