ଆଜି ସମ୍ବଲପୁରରେ ପହଞ୍ଚିବ କୋରୋନା ଟୀକା, ପ୍ରସ୍ତୁତି ଶେଷ

ଆଜି ସମ୍ବଲପୁରରେ ପହଞ୍ଚିବ କୋରୋନା ଟୀକା । ଏନେଇ ସମ୍ବଲପୁର ସ୍ବାସ୍ଥ୍ୟ ବିଭାଗର ପ୍ରସ୍ତୁତି ଚୂଡାନ୍ତ ହୋଇଛି । ସେପଟେ ସମ୍ବଲପୁର ଏଚ୍‌ଡିଏଡିପିଏଚ୍‌ଓ, ଏଫଡବ୍ଲୁ କୁବେର ମହାନ୍ତ ସୂଚନା ଦେଇଛନ୍ତି ।

ସମ୍ବଲପୁର: ବର୍ତ୍ତମାନ ଦେଶର ସବୁ ରାଜ୍ୟକୁ କୋରୋନା ଟୀକା ପଠାଇବାର ପ୍ରକିକ୍ରିୟା ଚାଲିଛି । ସେହିପରି ଓଡିଶାରେ ମଧ୍ୟ ମଙ୍ଗଳବାର ଟୀକା ପହଞ୍ଚିଥିଲା । ଆଉ ଆଜି ସମ୍ବଲପୁର ଜିଲ୍ଲାକୁ ଏହି ଟୀକା ପଠାଯିବ l ଏଥିପାଇଁ ସମ୍ବଲପୁର ଜିଲ୍ଲା ପ୍ରଶାସନ ଏଵଂ ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଯାଇଛି l ଜିଲ୍ଲା ସ୍ବାସ୍ଥ୍ୟ ପକ୍ଷରୁ ଏକ ସ୍ବତନ୍ତ୍ର ଭ୍ୟାକସିନ ଭ୍ୟାନରେ ଭୁବନେଶ୍ବରରୁ ଟୀକା ଆଣିବା ପାଇଁ ବ୍ୟବସ୍ଥା କରାଯାଇଛି l କୋରୋନା ଟୀକା ସମ୍ବଲପୁରରେ ପହଞ୍ଚିଲା ପରେ ଆଞ୍ଚଳିକ ଟୀକା ଭଣ୍ଡାରରେ ସୁରକ୍ଷିତ ଭାବରେ ରଖାଯିବାର ବନ୍ଦବୋସ୍ତ ହୋଇଛି l ଆସନ୍ତା 16ରେ ଜିଲ୍ଲାର 5 ହଜାରରୁ ଅଧିକ ସ୍ବାସ୍ଥ୍ୟକର୍ମୀଙ୍କୁ ପ୍ରଥମ ପର୍ଯ୍ୟାୟରେ ଟୀକା ପ୍ରଦାନ କରାଯିବ l