ସମ୍ବଲପୁର: ନିଜେ ଟଙ୍କା ହଡପ କରି ଥାନାରେ ଚୋରି ମାମଲା ଦାଏର କରି ଫସିଗଲେ ବ୍ୟାଙ୍କ ମ୍ୟାନେଜର ବାବୁ । ରେଙ୍ଗାଲି ପିପୁଲ ଫୋରମ ବ୍ୟାଙ୍କର ଆସିଷ୍ଟାଣ୍ଟ ବ୍ୟାଙ୍କ ମ୍ୟାନେଜର ଆକାଶ ଆଲୁଙ୍କୁ ଗିରଫ କରିଛି ପୋଲିସ । ସେ ୫ ଲକ୍ଷ ୫୨ ହଜାର ୪୯୦ ଟଙ୍କା ନିଜେ ଅଭିନବ ଉପାୟରେ ଚୋରି କରି ରେଙ୍ଗାଲି ଥାନାରେ ଅଭିଯୋଗ କରିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ତଦନ୍ତ ପରେ ଅଭିଯୋଗକାରୀ ହିଁ ଅଭିଯୁକ୍ତ ବୋଲି ଜାଣିବାକୁ ପାଇଲା ପରେ ଆକାଶଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଅଭିଯୁକ୍ତ ଜଣକ ବାଇକରେ ଟଙ୍କା ନେଇ ଯାଉଥିବା ବେଳେ ଆଖିରେ ଲଙ୍କା ଗୁଣ୍ତ ଦେଇ 2 ଜଣ ଲୁଟେରା ତାଙ୍କ ଠାରୁ ଟଙ୍କା ଲୁଟ କରିଥିବା ନେଇ ଥାନାରେ ଅଭିଯୋଗ କରିଥିଲେ ।
ହେଲେ ତଦନ୍ତ ପରେ ସେ ହିଁ ଅଭିଯୁକ୍ତ ଜଣାପଡିବା ପରେ ପୋଲିସ ତାଙ୍କୁ ଗିରଫ କରିଛି । ସେ ମଧ୍ୟ ନିଜ ଦୋଷ ସ୍ବୀକାର କରିଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
