ସମ୍ବଲପୁର: ଜେଲ ଭିତରେ କଏଦୀଙ୍କୁ ଆକ୍ରମଣ । ଏହି ଆକ୍ରମଣରେ କଏଦୀ ଗୁରୁତର ଆହତ ହୋଇ ମେଡିକାଲରେ ଭର୍ତ୍ତି। ସମ୍ବଲପୁର ମଣ୍ଡଳ କାରାଗାର ଭିତରେ ଘଟିଛି ଏମିତି ଘଟଣା । ଏହି କାରାଗାରରେ ସଜା କାଟୁଥିବା ଜଣେ କଏଦୀଙ୍କୁ ହୋଇଛି ଆକ୍ରମଣ । କୌଣସି କାରଣ ନେଇ ଗଣ୍ଡଗୋଳ ହେବାରୁ ଅବିନାଶ ବେହେରା ନାମକ ଜଣେ କଏଦୀ ଗୁରୁତର ଆହତ ହୋଇଛନ୍ତି ।
କାରାଗାରରେ କଏଦୀଙ୍କୁ ଆକ୍ରମଣ
ତାଙ୍କୁ ସମ୍ବଲପୁର ବୁର୍ଲା ବଡ଼ ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଗୁରୁତର ଆହତ କଏଦୀଙ୍କ ହାତ ଭାଙ୍ଗି ଯାଇଥିବା ବେଳେ ବିଭିନ୍ନ ସ୍ଥାନରେ ଗଭୀର ଆଘାତ ଲାଗିଛି । ତେବେ ଆହତ କଏଦୀ ଜଣକ ଅନ୍ୟ କଏଦୀଙ୍କ ଦ୍ଵାରା ଆକ୍ରମଣର ଶିକାର ହୋଇଛନ୍ତି ନା ଅନ୍ୟ କୌଣସି କାରଣ ରହିଛି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ସେପଟେ ଦୋଷୀ ଯିଏ ହେଉନା କାହିଁକି ତା ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି ଜେଲ କର୍ତ୍ତୃପକ୍ଷ । ଏହି ଘଟଣା ଜେଲ ପ୍ରଶାସନର ଅବହେଳାକୁ ଦର୍ଶାଉଛି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
