ସମ୍ବଲପୁର: ହୀରାକୁଦ ଡ୍ୟାମର 20ଟି ଗେଟ ଖୋଲିଛି । ବର୍ତ୍ତମାନ ହୀରାକୁଦ ଜଳଭଣ୍ଡାରରେ ପ୍ରତି ସେକେଣ୍ଡ ପ୍ରତି 2 ଲକ୍ଷ 48 ହଜାର କ୍ୟୁସେକ ଜଳ ନିଷ୍କାସିତ ହେଉଥିବା ଜଣାପଡିଛି ।
ଭିଡିଓ ସୌଜନ୍ୟ:ସମ୍ବାଦଦାତା, ସମ୍ବଲପୁର
ଆଜି ପ୍ରାୟ 11.30ରେ ପ୍ରଥମେ 4ଟି ଗେଟ ଖୋଲିଥିଲା । ପରେ ପର୍ଯ୍ୟାୟ କ୍ରମେ ଆଉ 4ଟି ଓ ତାପରେ 5ଟି ଗେଟ ଖୋଲିଥିଲା । ଶେଷରେ ବାକି 7ଟି ଗେଟ ଖୋଲିଥିବା ଜଣାପଡିଛି ।
ପ୍ରକାଶ ଯେ, ଏହି ଜଳ ଭଣ୍ଡାରର ସର୍ବୋଚ୍ଚ ଜଳଧାରଣ କ୍ଷମତା ୬୩୦ ଫୁଟ । ଏବେ ଜଳସ୍ତର ୬୨୨ ଫୁଟ ରହିଛି । ୬୪ଟି ସ୍ଲୁଇସ୍ ଓ ୩୪ଟି କ୍ରେଷ୍ଟ ଗେଟ୍କୁ ମିଶାଇ ଡ୍ୟାମ୍ରେ ରହିଛି ୯୮ ଗେଟ୍ ।
ସେପଟେ ଛତିଶଗଡ଼ରେ ମଧ୍ୟ ବିଭିନ୍ନ ଗେଟ ଖୋଲିଛି । ତେଣୁ ହୀରାକୁଦ ଜଳଭଣ୍ଡାରର ଜଳସ୍ତର ବଢ଼ିବାରେ ଲାଗିଛି । ଏପଟେ ରାଜ୍ୟରେ ଲଗାଣ ବର୍ଷା ଯୋଗୁଁ ବିଭିନ୍ନ ନଦୀ ଫୁଲି ରହିଛି । ସବୁ ନଦୀ ଫୁଲି ରହିଥିବାରୁ ରାଜ୍ୟରେ ବଡ ବନ୍ୟାର ଆଶଙ୍କା ରହିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
