ରାୟଗଡା: କ୍ରିକେଟ ମ୍ୟାଚରେ ଯୁବକଙ୍କୁ ହତ୍ୟା ଘଟଣା । ରାୟଗଡା ଜିଲ୍ଲା କାଶୀପୁର ବ୍ଲକ ଅନ୍ତର୍ଗତ ଆଡଜୋର ପଞ୍ଚୟତର ଗୁଙ୍ଗିଗୁଡା ଗ୍ରାମରେ ଗତ ଜୁନ ମାସରେ ଏକ କ୍ରିକେଟ ମ୍ୟାଚରେ ଜଣେ ଯୁବକକୁ ୱିକେଟରେ ପିଟି ପିଟି ହତ୍ୟା କରାଯାଇଥିଲେ । ଏହି ଘଟଣାର ମୁଖ୍ୟ ଅଭିଯୁକ୍ତକୁ ଗିରିଫ ଦାବିରେ ଗତକାଲି କଳାହାଣ୍ଡି ଜିଲ୍ଲା ଥୁଆମୂଳରାମପୁର ବ୍ଲକର ଡିମିରି ପଦର ଗ୍ରାମବାସୀ କାଶୀପୁର ଥାନା ଘେରାଉ କରିଥିଲେ ।
କ୍ରିକେଟ ମ୍ୟାଚରେ ଯୁବକଙ୍କୁ ହତ୍ୟା ମାମଲା, ମୁଖ୍ୟ ଅଭିଯୁକ୍ତକୁ ଗିରଫ ଦାବିରେ ଥାନା ଘେରାଉ
ପ୍ରାୟ 50 ଜଣ ଗ୍ରାମବାସୀ ଦୁଇଟି ମିନି ଟ୍ରକରେ ଆସି ଥାନା ଘେରାଉ କରିବାସହ ମୁଖ୍ୟ ରାସ୍ତାକୁ ଅବରୋଧ କରିଥିଲେ । ପରିସ୍ଥିତି ଉତେଜନା ହେବାରୁ ଥାନା ପରିସରରେ ବ୍ୟାପକ ପୁଲିସ ମୁତୟନ କରା ଯାଇଥିଲା । ପରେ କାଶୀପୁର ପୁଲିସ ଆନ୍ଦୋଳନକାରୀଙ୍କ ସହ ଆଲୋଚନା କରି ବୁଝାସୁଝା କରିବା ପରେ ରାସ୍ତା ରୋକ ସହ ଥାନା ଘେରାଉରୁ ଓହରି ଥିଲେ ଗ୍ରାମବାସୀ ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
