ରାୟଗଡ଼ା: ଆଜି(ମଙ୍ଗଳବାର) ଜିଲ୍ଲାକୁ ଗସ୍ତ କରିଛନ୍ତି କେନ୍ଦ୍ର ଶିଳ୍ପ ଓ ବାଣିଜ୍ୟ ମନ୍ତ୍ରୀ ସୋମ ପ୍ରକାଶ । ଦେଶର ବିଭିନ୍ନ ଆକାଂକ୍ଷୀ ଜିଲ୍ଲା ଗସ୍ତରେ କେନ୍ଦ୍ରମନ୍ତ୍ରୀ ଯାଉଥିବା ବେଳେ ପ୍ରକାଶ ରାୟଗଡ଼ା ଜିଲ୍ଲା ଗସ୍ତରେ ଆସିଛନ୍ତି। ଦୁଇ ଦିନିଆ ଗସ୍ତରେ ଆସିଥିବା ମନ୍ତ୍ରୀ ପ୍ରକାଶ କେନ୍ଦ୍ର ସରକାରଙ୍କ ବିଭିନ୍ନ ଯୋଜନାର ସମୀକ୍ଷା କରିବେ ।
ରାୟଗଡ଼ା ଗସ୍ତରେ କେନ୍ଦ୍ରମନ୍ତ୍ରୀ ସୋମ ପ୍ରକାଶ
ଏହାସହ କେନ୍ଦ୍ର ସରକାରଙ୍କ ପକ୍ଷରୁ ବିଭିନ୍ନ ପ୍ରକଳ୍ପ ପାଇଁ ଆସୁଥିବା ଅନୁଦାନ କିଭଳି ଖର୍ଚ୍ଚ ହେଉଛି ତାହା ଅନୁଧ୍ୟାନ କରିଛନ୍ତି । ମୁଖ୍ୟତଃ ଗମନାଗମନ ଓ କୃଷି ଉପରେ ସେ ଅଧିକ ଗୁରୁତ୍ବ ଦେଇଛନ୍ତି । ଅଧିକ କଣ କଲେ ଏହି ପଛୁଆ ଜିଲ୍ଲା ମାନଙ୍କରେ ବିକାଶ ହେବ ତାହା ବିଭିନ୍ନ ଅଧିକାରୀଙ୍କ ସହିତ ସେ ଆଲୋଚନା କରିଛନ୍ତି । ଏହି ଅବସରରେ ମନ୍ତ୍ରୀଙ୍କୁ ଜିଲ୍ଲା ବିଜେପି ଓ ବ୍ୟବସାୟୀଙ୍କ ପକ୍ଷରୁ ସମ୍ବର୍ଦ୍ଧନା ଦିଆଯାଇଥିଲା । ବୁଦ୍ଧିଜୀବୀଙ୍କ ଠାରୁ ମତ ମଧ୍ୟ ସଂଗ୍ରହ କରିଥିଲେ ।
ରାୟଗଡ଼ାରୁ ରଞ୍ଜନ କୁମାର ରଥ, ଇଟିଭି ଭାରତ
