ଭୁବନେଶ୍ବର: ରବିବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆକାଶମାର୍ଗରୁ ବାତ୍ୟା ୟସ ଦ୍ବାରା ପ୍ରଭାବିତ ଅଞ୍ଚଳ ପରିଦର୍ଶନ କରିବେ । ଏହା ସହ ବିପନ୍ନଙ୍କ ସହିତ କଥା ହେବେ ଧର୍ମେନ୍ଦ୍ର ।
ବାତ୍ୟାରେ ବିଶେଷ ଭାବରେ କ୍ଷତିଗ୍ରସ୍ତ ହୋଇଥିବା ଜଗତସିଂହପୁର ଜିଲ୍ଲାର ପାରାଦ୍ବୀପ, କେନ୍ଦ୍ରାପଡ଼ା ଜିଲ୍ଲାର ଆଳି ଓ ରାଜନଗର, ଭଦ୍ରକ ଜିଲ୍ଲାର ବାସୁଦେବପୁର, ଚାନ୍ଦବାଲି ଏବଂ ଧାମରା ଅଞ୍ଚଳ ଆକାଶମାର୍ଗରୁ ପରିଦର୍ଶନ କରିବେ ଧର୍ମେନ୍ଦ୍ର ।
ଆକାଶମାର୍ଗରୁ ସ୍ଥିତି ପରଖିବା ପରେ ଦିନ 11ଟା ବେଳେ ଧାମରା ବନ୍ଦରରେ ଥିବା ହେଲିପ୍ୟାଡରେ ପହଞ୍ଚିବେ । ପରେ ଦୋସିଙ୍ଗା ଗ୍ରାମପଞ୍ଚାୟତର ସମ୍ପତିଆ, ଜାଗୁଳା ପଞ୍ଚାୟତର ବଳଭଦ୍ରପ୍ରସାଦ ଏବଂ ଧାମରା ଗ୍ରାମ ପଞ୍ଚାୟତର ଝାରକାଟି ଗାଁକୁ ପ୍ରତ୍ୟକ୍ଷ ଭାବେ ପରିଦର୍ଶନ କରିବେ । ଏହା ସହ ସ୍ଥାନୀୟ ଗ୍ରାମବାସୀଙ୍କ ସହ ଆଲୋଚନା କରିବେ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
