ଟ୍ରକକୁ ପଛପଟୁ ଧକ୍କା ଦେଇ ଜଳିଗଲା ୨ଟି ଟ୍ରକ

ଗତକାଲି ଏକ ପାଉଡର ବୋଝେଇ ଟ୍ରକ ଆନ୍ଧ୍ରପ୍ରଦେଶରୁ ଓଡ଼ିଶା ଅଭିମୁଖେ ଆସୁଥିବା ବେଳେ ଜେମାଦେଇପେଣ୍ଠ ନିକଟରେ ଟ୍ରକଟି ଭାରସାମ୍ୟ ହରାଇ ରାସ୍ତା କଡରେ ଓଲିଟି ପଡ଼ିଥିଲା । ଅଧିକ ପଢନ୍ତୁ...

ରାୟଗଡା: ଗତକାଲି ଏକ ପାଉଡର ବୋଝେଇ ଟ୍ରକ ଆନ୍ଧ୍ରପ୍ରଦେଶରୁ ଓଡ଼ିଶା ଅଭିମୁଖେ ଆସୁଥିବା ବେଳେ ଜେମାଦେଇପେଣ୍ଠ ନିକଟରେ ଟ୍ରକଟି ଭାରସାମ୍ୟ ହରାଇ ରାସ୍ତା କଡରେ ଓଲିଟି ପଡ଼ିଥିଲା ।

ଏକ କ୍ରେନ ମାଧ୍ୟମରେ ଟ୍ରକକୁ ରାସ୍ତା ଉପରକୁ ଅଣାଯାଇଥିଲା । ହେଲେ ଅନ୍ୟ ଏକ ଟ୍ରକ ଇଞ୍ଜିନ ପାଉଡର ବୋଝେଇ ଟ୍ରକକୁ ଆଣିବା ପାଇଁ ଆସି ଘଟଣା ସ୍ଥଳରେ ପହଞ୍ଚିବା ପରେ ଆଜି ଭୋର ପ୍ରାୟ୪:୩୦ ସମୟରେ ଏକ କୋଇଲା ବୋଝେଇ ଟ୍ରକ (CG 06 GQ 9555) ଛିଡା ହୋଇଥିବା ପାଉଡର ବୋଝେଇ ଟ୍ରକକୁ ଧକ୍କା ଦେଇଥିଲା । ଫଳରେ ଉଭୟ କୋଇଲା ବୋଝେଇ ଟ୍ରକ ଓ ପାଉଡର ବୋଝେଇ ଟ୍ରକରେ ଘଟଣାସ୍ଥଳରେ ନିଆଁ ଲାଗିଥିଲା । ଖବର ପାଇ ରାୟଗଡ଼ା ଦମକଲ କେନ୍ଦ୍ରର ଏକ ଟିମ ବାହାରି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ।

ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ